چیرۆكی ئەو ژنە كورده‌ی لە یەختەکەی ئیجە ڕزگاری بووە


نەتەوە  |   16:51:15 2018-10-11  |   (2,266) جار خوێندراوەتەوە

کاتژمێر ٨ی شەوی سێشەممە یەختێک، کە ٣٥ کۆچبەری هەڵگرتبوو لە كەناراوەكانی ئیزمیر لە دەریای ئیجەدا نوقمبوو، تا ئێستاش تەنها ژنێک رزگاری بووە.
A+    A-

 

ئەو ژنە کە رزگاری بووە ناوی مهاباد ئیسماعیل عەلییە و تەمەنی ٣٠ ساڵە و کوردە و لەگەڵ پێنج منداڵەکەیدا ویستوویانە بەرەو ئەوروپا کۆچ بکەن، بەڵام یەختەكەیان لە كەناراوەكانی ئیزمیر لە دەریای ئیجەدا نوقمبووە.


مهاباد بە میدیاکانی تورکیای ڕاگەیاندووە، شەوی سێشەممە ٩ی تشرینی یەکەم، کاتژمێر ٨ی شەو، یەختەکەیان لە ناوچەی کارابورون لە کەناراوەکانی ئیزمیر لە دەریای ئیجەدا نوقمبووە.


وتیشی: لەکاتی نوقمبوونی یەختەکەیان بەرگی مەلەوانی لەبەر بووە و دوای ٢٨ کاتژمێر مەلەکردن تیمەکانی دەریاوانی تورکیا بەهانایانەوە چوون و رزگاریان کردووە، هێمای بۆ ئه‌وه‌شكردووه‌، تا ئێستا چارەنووسی پێنج منداڵەکەی دیار نییە.
باسی لەوەش کردووە، لە یەختەکەدا ٣٥ کەسی تێدا بووە، کە ١٢ کەسیان منداڵ بوون و تا ئێستا چارەنوسیان نادیارە.


لای خۆشیه‌وه‌ ئاری جەلال سەرپەرشتیاری گشتیی فیدراسیۆنی پەنابەران رایگەیاند، ١٤ کەس لەو پەنابەرانەی کە شەوی ڕابردوو لە دەریای ئیجەدا خنکاون کوردن و دانیشتووی پارێزگای دھۆکن کە ئەوانیش بریتین لە:١-عیسا عەبدوڵڕەحمان ئەحمەد، ٢-عەبدوڵڵا عیسا عەبدولرەحمان، ٣-هەنار عیسا عەبدولرەحمان، ٤-یوسف عیسا عەبدولرەحمان، ٥-یونس عیسا عەبدولڕەحمان،٦-مەریەم عیسا عەبدولڕەحمان، ٧-مەوحد مەهاباد ئیسماعیل، ٨-شۆڕش عەبدولوەهاب ئیسماعیل، ٩-هەنار هاشم حەمید، ١٠-هێرش شۆڕش عەبدولوەهاب، ١١-سولنا شۆڕش عەبدولوەهاب، ١٢-یوسف شۆڕش عەبدولوەهاب، ١٣-هارون شۆڕش عەبدولوەهاب و ١٤-دڵکەش شۆڕش عەبدولوەهاب.
 
















زۆرترین بینراوەکان