نوێترین زانیاریی لەبارەی قوربانیانى رووداوە‌كە‌ى ئیجە‌وە بڵاودەکرێتەوە


نەتەوە  |   12:26:44 2018-10-11  |   (165) جار خوێندراوەتەوە

پاش ئەوەى لە دوو رۆژی رابردوودا هەواڵی نقومبوونی یەختێكى كۆچبەران لە دەریاى ئیجەدا لە لایەن فیدراسیۆنى پەنابەرانەوە راگەیەندرا، دەرکەوتووە کە زۆربەى سەرنشینانى ئەو یەختە  كورد بوون.
A+    A-


شەوى سێشەممە 2018/10/9 هەواڵی نقومبوونی یەختێك لە دەریای ئیجە-ی تورکیادا بڵاوکرایەوە کە 35 کۆچبەری بارکردووەو ئاشکراکرابوو کە تەنها چارەنووسی یەک سەرنشین دیارە کە ئەویش بەزیندوویی دەربازکراوە.

 

لەنوێترین زانیاریشدا لەبارەی رووداوەکەوە، ئەمڕۆ پێنجشەممە رێکەوتی 2018/10/11 ئارى جەلال، سەرپەرشتیارى گشتیى فیدراسیۆنى پەنابەران لە عیراق بە  سایتی دواڕۆژ-ى وتووە: زۆرینەى قوربانیانى رووداوەكە كوردن.

 

دەشڵێت: "لە كۆى 35 كۆچبەر تەرمى نۆیان دۆزراەتەوەو ژنێكى كوردیش توانیویەتى خۆى رزگار بكات".

 

پێشتر ئێشكگرى كەناراوەكانى توركیا رایانگەیاندبوو کە نۆ كەس گیانیان لەدەستداوە پاش نقومبوونى بەلەمێكى كۆچبەران لە نزیك كەناراوەكانى رۆژئاواى توركیاو ئاشكراشیانكردبوو کە  25 کۆچبەریان هێشتا بێسەروشوێنن.
















زۆرترین بینراوەکان