تورکیا: ئەگەر هەیە قەشەکە ئازادبكرێت


نەتەوە  |   17:06:26 2018-10-10  |   (153) جار خوێندراوەتەوە

میدیاكانی توركیا لە زاری سەرچاوە دیپلۆماسییەکانەوە ئاماژە بە ئەگەری ئازادكردنی ئەندرۆ برانسۆن-ی قەشە ئەمریكییەکە دەكەن، كە بە تۆمەتی پشتیوانیكردنی پەکەکە و گویلەن دەستگیرکراوە.
A+    A-


بەگوێرەی ئەو  میدیایانەی توركیا، ئەنقەرە و واشنتۆن گفتوگۆكانیان چڕتر كردووەتەوە سەبارەت بە ئازادكردنی نزیكەی 20 هاووڵاتیی ئەمریكی كە لە توركیا دەستگیرو زیندانی كراون و زۆربەیشیان تۆمەتی پشتگیریكردنی پەکەکە و گویلەنیان دراوەتە پاڵ کە یەكێك لەوانە قەشە ئەندرۆ برانسۆن-ە كە لە مانگی تەمموزی رابردووەوە لەناو ماڵەكەی خۆیدا لە شاری ئیزمیر-ی خۆرئاوای توركیا دەستبەسەرکراوە.

 

دەستگیركردنی ئەو قەشەیە حكومەتی واشنتۆن-ی بەجۆرێک تووڕە كردووە كە پەیوەندییەكانی لەگەڵ ئەنقەرەدا گەیاندە ئەوپەڕی ئاڵۆزی و تەنانەت بە بڕیاری ترەمپ-ی  سەرۆكی ئەمریكا چەند سزایەكی توند بەسەر توركیادا سەپێنرا.

 

چاوەڕوانیش دەكرێت رۆژی هەینی داهاتوو، دادگای توركیا دانیشتنێكی تایبەت بۆ تاوتوێكردنی ئەو دۆسێیە تەرخان بكات و میدیای توركیا ئەم هەنگاوەی دادگا بە نزیكبوونەوەی ئەگەری ئازادكردنی وەسف دەکەن.
















زۆرترین بینراوەکان