بە ئامادەبوونی بارزانی 13یەمین پێشانگەی نێودەوڵەتی کتێب لە هەولێر کرایەوە


نەتەوە  |   11:26:42 2018-10-10  |   (815) جار خوێندراوەتەوە

ئەمڕۆ بە ئامادەبوونی "مەسعود بارزانی" 13ـیەمین پێشانگەی نێودەوڵەتی كتێب لە هەولێر كرایەوە، لە پێشانگەكەدا بارزانی كتێبێكی كڕی.
A+    A-

 

دوای ئەوەی مەسعود بارزانی پێشانگەكەی كردەوە، سەیری بەشێكی زۆری كتێبەكانی كرد و لە یەكێك لە كۆشكەكانی دەزگای چاپ و بڵاوكردنەوە كتێبی ( پەندەكانی پیرەمێرد)ـی كڕی، ناوبراو ماوەی كاتژمێرێك لە پێشانگەكەدا مایەوە، جگە لەم كتێبەی كە خۆی كڕیویەتی، لەلایەن سەرپەرشتیارانی پێشانگەكە و دەزگاكانی چاپ و بڵاوكردنەوە، چەند كتێبێكی دیكەی بەدیاری پێدرا.


كتێبەكە (پەندەكانی پیرەمێد) لە سێ بەرگ پێكدێت و لەلایەن، (فایەق هۆشیار، مستەفا ساڵح كەریم، مەحموود ئەحمەد محەممەد، محەممەد نووری تۆفیق، ئەحمەد زرنگ) كاری كۆكردنەوە و ساخكردنەوەی بۆ كراوە.


جێی باسە، لە پێشانگەی نێودەوڵەتییەكەی ئەمساڵی كتێب لە هەولێر، 200 دەزگای چاپ و بڵاوكردنەوە لە زیاتر لە 30 وڵاتەوە كتێبەكانیان نمایشكردوون.
 
















زۆرترین بینراوەکان