دوو كەسایەتیی ناودار لە ئێران سزادەدرێن


نەتەوە  |   18:23:29 2018-10-09  |   (159) جار خوێندراوەتەوە

بەهۆی هاوكاریكردنی لێقەوماوانی بوومەلەرزەكەی كرماشان-ەوە، هەژماری بانكیی هەریەك لە (عەلی دایی- ئەفسانەی تۆپی پێی ئێران) و (سادق زیبا كەلام-مامۆستای زانكۆ و چالاكی ریفۆرمخواز) بلۆككراون.
A+    A-


رۆژنامەی گوڵی ئێرانی لە راپۆرتێكداو لە زاری عەلی دایی نووسیویەتی: "ئەمە ئەنجام و سزای هاوكاریكردنی لێقەوماوەكانی كرماشانە، كارێك كە دەبوایە حكومەت بیكردایەو نەیكردووە، بەڵام بەدڵنیاییەوە بانگهێشتی من بۆ دادگا و دەستگیركردنم، سوورتری كردووم لەسەر درێژەدان بە هاوكارییەكانم بۆ لێقەوماوان".

 

دایی دەڵێت: "من لەمەودوا زیاتر هەوڵدەدەم و كاتێكی زیاتر بۆ هاوكارییەكانم تەرخان دەكەم و ئەوانیش بە فڕێدانی ئەو بەردە بچووكانە بۆ سەر رێگەمان، هیچ شتێكیان بۆ ناكرێت".

 

ئەفسانەی تۆپی پێی ئێران دەشڵێت: "ئێمە بۆ تمەن بە تمەن-ی ئەو هاوكارییانە بەڵگەمان هەیە، بەڵام ئەوە بەرپرسانن كە نە وەڵامی هاووڵاتیان دەدەنەوەو نە هیچ بەڵگەیەك لەسەر كردەوەكانیان دەردەخەن".

 

سادق زیبا كەلام-یش لای خۆیەوە، وێڕای راگەیاندنی بلۆككردنی هەژمارە بانكییەكەی دەڵێت: "ئێمە بۆ پاڵپشتی لەو كەسانەی هاوكاریی ئاوەدانكردنەوەی گوندەكانی كرماشان بووین، دژبە هێزی دادوەریی سكاڵا دەكەین".

 

عەلی دایی و سادق زیبا كەلام، شانبەشانی چەندین چالاك و ئەستێرەی ناوداری ئێران زۆرترین هاوكاریی لێقەوماوانی بوومەلەرزەكەی پارێزگای كرماشانیان كرد و زۆرترین گوندیان ئاوەدانكردووەتەوە.

 

 
















زۆرترین بینراوەکان