مانگرتنی سە‌رتاسە‌ری لە‌ ئێران دە‌ستیپێكرد


نەتەوە  |   15:29:27 2018-10-08  |   (169) جار خوێندراوەتەوە

دوای بانگهێشتێكی چەند رۆژە لە تۆڕە كۆمەڵایەتییەكانەوە بۆ مانگرتنی گشتی لە ئێران، ئەو مانگرتنە ئەمڕۆ دووشەممە  8ی تشرینی یەكەم دەستیپێكرد.
A+    A-

 

ماڵپەری "ئاوا تودە"ی فارسی لە راپۆرتێكدا بڵاویكردووەتەوەکە بەهۆی گرانی و نەبوونی كاڵاو شمەكی سەرەكی لە بازاڕەكانداو قۆرغكردنیان لەلایەن بازرگانانەوە، ئەمڕۆ مانگرتن لە زۆرینەى شارەكانی ئێران و رۆژهەڵاتی كوردستاندا دەستیپێكرد.

 

ژمارەیەك وێنەو ڤیدیۆ لە مانگرتنی چینە جیاوازەكانی ئێران، لە شارەكانی مەشهەد، ئەراك، زەنجان، كرماشان، بەرازجان، بانە، مەریوان، سنە، سەقزو پیرانشار بڵاوبووەتەوە.

 

ساڵی پاریش مانگرتنێكی گشتی بۆ ماوەی دوو هەفتە لە ئێران بەڕێوەچوو كە ژمارەیەك قوربانیشی لێكەوتەوە.

 

بەگوێرەی ئامارە بڵاوكراوەكان 21 بۆ 25 كەس لەو مانگرتنانەدا گیانیان لەدەستدا كە شەش كەسیان لە زیندان و لەژێر ئەشكەنجەدا گیانیان سپارد.
















زۆرترین بینراوەکان