وێنە... گەیلانی بەرنامەی تۆ نموونەی هاوسەرگیریی کرد؟


نەتەوە  |   17:29:15 2018-10-07  |   (549) جار خوێندراوەتەوە

گەیلان تاهیر، ئەو منداڵە گۆرانیبێژەی لە ناوەڕاستی دەیەی رابردوودا بەشداریی لە بەرنامەی تۆ نموونەی کەناڵی زاگرۆسی کرد، ئێستا بووە بە لاوێکی پێگەیشتوو و روونکردنەوەش لەسەر دەنگۆی هاوسەرگیریکردنی دەدات.
A+    A-


دەربارەی ئەو دەنگۆ و هەواڵانەی باس لە هاوسەرگیریکردنی گەیلان تاهیری گۆرانیبێژ دەکەن، ناوبراو لە لێدوانێکیدا بۆ سایتی دواڕۆژ وتوویەتی: هاوسەرگیریم نەکردووەو دیاریش نییە کەی دەیکەم و ژیانم زۆر لە پێشە، جارێ تەمەنیشم بچووکەو لە ئێستادا لە هیچ پەیوەندییەکی خوشەویستیدا نیم.

 

لەلایەکی دیکەشەوە گەیلان باس لە نوێترین کارو بەرهەکانی دەکات و ئەوەشی ئاشکراکردووە کە ئێستا خەریکی کلیپێکی نوێیەو ئاواز و هۆنراوەی گۆرانییەکە لەلایەن ( رێدوان سەرباز )ەوە دانراوەو دەڵێت: "پێدەچێت لە دەرەوەی وڵات کاری کلیپی بۆ بکەم و کارێکی سەردەمییانەو مۆدرێنە".

 

گەیلان تاهر بۆ یەکەمجار لە تەمەنی 11 ساڵیدا لە رێگەی بەرنامەی تو نموونەی کە بۆ مناڵانی بەهرەمەند لەکەناڵی زاگرۆسەوە پەخش دەکرا  ناوبانگی دەرکردو بە وتەی خۆی لە مانگی داهاتوودا دەبێتە 20 ساڵ، ئەوەش لەکاتێکدایە کە چەند رۆژێکە دەنگۆی هاوسەگیریکردنی ئەو گۆرانیبێژە بۆتە قسەو باسی ناو تۆڕە کۆمەڵایەتییەکان.
















زۆرترین بینراوەکان