بەهۆی شەڕە بۆكسێکەوە هێزی ئاسمانی خرایە حاڵەتی ئامادەباشییەوە


نەتەوە  |   12:50:57 2018-10-07  |   (147) جار خوێندراوەتەوە

بەهۆی دروستبوونی شەڕو ئاژاوە لەناو فڕۆكەیەكی نەفەرهەڵگردا كە بەرەو ئەمستردام بەڕێدەكەوت، هێزی ئاسمانی هۆڵەندا دوو فڕۆكەی ئێف 16 هەڵدەسێنێت بۆ ئاسمان.
A+    A-


لەوبارەیەشەوە جوانا هۆڵمز، وتەبێژی هێزی ئاسمانیی هۆڵەندا بە ئاژانسی فرانس پرێس-ی وتووە: "كەسێكی ئەمریكی تەمەن 29 ساڵ بەشێوەیەكی دوژمنكارانە هەڵچووەو پەلاماری یەكێك لە خزمەتكارەكانی ناو فڕۆكەكەی داوەو بە بۆکس لێیداوە".

 

لە دوای نیشتنەوەی فڕۆكە مەدەنییەكە، دەسەڵاتدارانی ئەمستردام كەسە ئەمریكییەكەیان دەستگیر كردووەو ناردوویانە بۆ نەخۆشخانەیەكی دەروونی تا لەباری تەندروستیی بكۆڵنەوە.

 

فڕۆكەكە لەجۆری ئێر باس ئەی 330 بووە، کە تایبەتە بە كۆمپانیای "KLM"ی هۆڵەندی و رووداوەكەش لەسەر ئاسمانی ئەڵمانیا روویداوە كە ژمارەیەك سەرنشین تێیدا برینداربوون و چارەسەریان بۆ كراوە.

 

 هەر لەکاتی رووداوەکەشدا هێزی ئاسمانیی هۆڵەندا خرایە حاڵەتی ئامادەباشییەوە.
















زۆرترین بینراوەکان