وێنە.. رۆژنامەنووسێک لەناو كونسڵخانەی سعودیەدا كوژرا


نەتەوە  |   09:26:14 2018-10-07  |   (129) جار خوێندراوەتەوە

رۆژنامەنووس جەمال خاشقچی،  لەناو كونسڵخانەی سعودیە لە ئیستانبوڵ كوژراوە ئەوەش بەپێی زانیارییەکانی پۆلیسی توركیا کە "پێدەچێت لەناو کونسوڵخانەی ئەو وڵاتە لە ئیستانبوڵ کوژرابێت پاش ئەوەی ئەشكەنجەدراوە و جەستەی پارچە پارچە كراوە".
A+    A-

 

حكومەتی ریاز لای خۆیەوە نكوڵی لەوە دەكات و رایدەگەیەنێت: رۆژی سێشەممەی رابردوو پاش چوونی بۆ ناو كونسڵخانە، خاشقچی دوای ماوەیەكی كەم ئەوێی بەجێهێشتووە.

 

سەرچاوەکانی پۆلیسی تورکیا بە ئاژانسی هەواڵی رۆیتەرز-یان وتووە: "ئەو رۆژنامەنووسە لەناو بینای كونسڵگەرییەكەدا كوژراوە لەڕێگەی تیمێكی تایبەتەوە كە لە سعودیەوە هاتوونەتە توركیاو هەر ئەو رۆژەش گەڕاونەتەوە".

 

پێگەی میدڵ ئێس ئای بڵاویكردۆتەوە: كە جەستەی ئەو رۆژنامەنووسە پارچە پارچە كراوە، دوای ئەوەی ئەشكەنجەیەكی زۆر دراوەو هەر ئەو رۆژەش لەناو كونسڵخانەی سعودیە لە توركیا هێنراوەتە دەرەوە.

 

ئێوارەی رۆژی سێشەممەی رابردوو رێکەوتی 2018/10/2، رۆژنامەنووس جەمال خاشقچی نووسەر و رۆژنامەنووسی بەناوبانگی سعودی، له شاری ئیستانبوڵ-ی توركیا بێسەرو شوێن بووە.

 

خاشقچی ساڵی 1958 لەدایكبووە لە شاری مەدینە و چەندینجار وەك سەرنووسەری رۆژنامە عەرەبییە سعودییەكان كاری كردووە، وەك وەتەن و عەرەبی و راوێژكاری توركی فەیسەڵ باڵیۆزی سعودیە بووە لە لەندەن و واشنتۆن.

 
















زۆرترین بینراوەکان