‌بەوێنە... نوێترین دەرکەوتنی نادیە موراد و هاوسەرەکەی


نەتەوە  |   13:08:47 2018-10-06  |   (1,573) جار خوێندراوەتەوە

نادیه‌ موراد، باڵیۆزی نیازپاكی نه‌ته‌وه‌ یه‌كگرتووه‌كان کە دوێنێ خەڵاتی نۆبڵی ئاشتی پێبەخشرا، چەند وێنەیەکی نوێی لەگەڵ هاوسەرەکەی بڵاودەبنەوە کە مانگی 8ی ئەمساڵ هاوسەرگیریان کردووە.
A+    A-



پێشتریش دەربارەی هاوسەرگیری نادیا (تەلال هەسکانی)، به‌ڕێوه‌به‌ری پێشووی به‌شی راگه‌یاندنی رێكخراوی یه‌زدا كه‌ نادیه‌ موراد  له‌ڕێگه‌یانه‌وه‌ چووه‌ وڵاتی ئه‌ڵمانیا  راگه‌یاند:نادیه‌ هاوسه‌رگیری له‌گه‌ڵ كوڕه‌ چالاكوانی ئێزیدی عابید شه‌مدین كردووە له‌ وڵاتی ئه‌ڵمانیا، كه‌ پێشتر له‌گه‌ڵ نادیه‌ هاوكار و هاوڕێبوون.

هاوسەرەکەی نادیە کە خۆشی چالاکوانێکی دیارە چەند وێنەیەکی خۆیان لە پەڕە فەرمیەکانیدا لە تۆڕە کۆمەڵایەتیەکاندا بڵاودەکاتەوە و ئەمەش لە کاتێکدایە کە ئەمڕۆ نادیا موراد رزگاربووی دەستی داعش بە هاوبەشی لەگەڵ پزیشکی کۆنگۆلی (دینیس ماکویج) خاوەنی نەخۆشخانەی چارەسەرکردنی ئەو کچانەی کە دەستدرێژی سێکسیان کراوەتە سەر، خەڵاتی نۆبل بۆ ئاشتیان وەرگرت.

نادیه‌ موراد لە دایکبووی ساڵی 1993ی گوندی کۆجۆ-ی سەر بە قەزای شنگال-ە، لە ساڵی 2014 لەگەڵ هەزارەها کچی دیکەی ئێزدی وەک کەنیزەک کەوتە دەستی داعش، دوای هەڵاتنی چووه‌  وڵاتی  ئەڵمانیا، پاش ئەوەی چیرۆکەکەی جیهانی هەژاند لە ساڵی 2016 وەک باڵیۆزی نیازپاکی نەتەوە یەکگرتووەکان دیارکرا،هاوسەرەکەشی ئێستا لە ئەمریکا دەژی.

 
















زۆرترین بینراوەکان