زیدان و مۆرینیۆ پەیوەندییەكی تەلەفۆنی ئەنجامدەدەن


نەتەوە  |   11:18:27 2018-10-01  |   (273) جار خوێندراوەتەوە

بەپێی راپۆرتە رۆژنامەوانییەكانی ئینگلتەرا، زینەدین زیدان، راهێنەری پێشووی یانەی ریال مەدرید پەیوەندییەكی تەلەفۆنی لەگەڵ خۆسێ مۆرینیۆ، راهێنەری مانچێستەر یونایتد ئەنجامداوە.
A+    A-

 

رۆژنامەی زە سەن بڵاویكردۆتەوە، زیدان لەو پەیوەندییە تەلەفۆنییەدا بە مۆرینیۆی راگەیاندووە، كە ئەو هیچ رێككەوتنێكی لەگەڵ یانەكە نەكردووە بۆ وەرگرتنی راهێنەرایەتی مانچێستەر یونایتد، بەپێی رۆژنامەكە، زیدان ویستوویەتی مۆرینیۆ ئارامبكاتەوە و دووپاتیكردووەتەوە و هیچ رێككەوتنێكی لەگەڵ دەستەی كارگێری یانەكە نەكردووە.


پێشتر زە سەن ئاشكرایكردبوو، زینەدین زیدان لەو كاتەوەی بۆ ئامادەبوون لە ئاهەنگی زە بێست چووەتە لەندەن لە بەریتانیا ماوە و خۆی فێری زمانی ئینگلیزی دەكات، ئەمەش وەك ئاماژەیەك بۆ نزیكبوونەوە لە وەرگرتنی مانچێستەر یونایتد لێكدرایەوە.


لە چەند كاتژمێری رابردوودا راپۆرتە رۆژنامەڤانییەكان ناوی زینەدین زیدانیان بەشێوەیەكی فراوان بە مانچێستەر یونایتدەوە بەستووەتەوە، بەتایبەت دوای ئەنجامە خراپەكانی مۆرینیۆ لەگەڵ مانچێستەر یونایتد.
















زۆرترین بینراوەکان