هاوڵاتییەك لە كاتی دزیكردندا كوژرا


نەتەوە  |   17:39:05 2018-09-22  |   (512) جار خوێندراوەتەوە

هاوڵاتیەك لە شاری كەركوك كوژرا، ئەوەش بەوتەی پۆلیس لەكاتی هەوڵی دزیكردندا بووە لە ماڵێك و لەلایەن كوڕێكی ئەو خێزانەوە، تەقەی لێكراوە.
A+    A-

 

كاتژمێر 10:25 خولەكی ئەمڕۆ شەممە 22ی ئەیلول لە گەڕەكی سەرچناری كەركوك، لە نزیك مزگەوتی سەعید تۆماری چوار كەس هەوڵیانداوە هەڵبكوتنە سەر ماڵێك و دواتر تەقەیان لێكراوە، بەهۆیەوە یەكێكیان كوژراوە.

عەقید نەوزاد ستار، بەرێوەبەری بنكەی پۆلیسی رەحیماوا بە (كەركوك ناو)ی راگەیاندووە،  “چوار  دز ئۆتۆمبێلێكی جۆری كیا سۆرینتۆی رەنگی رەش مۆدیل 2017 یان پێبووە، كەسێكیان لە نێو ئۆتۆمبێلەكەدا ماوەتەوە و سێ كەسەكەی تر هەڵیانكوتاوەتە سەر ماڵی هاوڵاتییەك”.

ئەو هاوڵاتییەی هەڵكوتراوەتە سەر ماڵەكەی، خاوەنی دوكانی فرۆشتنی كەلوپەلی یەدەگی ئۆتۆمبێلە لە كەركوك.

ئەوەشخراوەتەڕوو “(چوار كەسەكە) ئافرەتی ماڵەكە بریندار دەكەن بەڵام كوڕێكی ماڵەكە دێتە دەست لێیان و تەقیان لێدەكات، بەهۆیەوە یەكێك لە دزەكان دەكوژرێت و ئەوانەی دیكە هەڵدێن بەرەو شوێنێكی نادیار”.

بەوتەی بەرێوەبەری بنكەی پۆلیسی رەحیماوا كوژراوەكە تەمەنی لە نێوان 22 بۆ 28 ساڵیدایە، هیچ ناسنامەیەكی پێ نەبووە، تەرمەكەی رەوانەی پزیشكی دادوەری كراوە و هێزە ئەمنییەكانسش لێكۆڵینەوەیان دەستپێكردووە.
















زۆرترین بینراوەکان