سلێمانی.. پۆلیس دەستگیركردنی باوكی دوو منداڵی راگەیاند


نەتەوە  |   12:25:17 2018-09-20  |   (739) جار خوێندراوەتەوە

پۆلیسی سلێمانی رایگەیاند،" باوكێك دوو منداڵی خۆی فرێداوەتەسەر شەقام و بەوهۆیەشەوە لەلایەن هێزەكانیانەوە دەستگیر كراوە.
A+    A-

 

لە ڕاگەیەندراوێكدا بەڕێوەبەرایەتی پۆلیسی پارێزگای سلێمانی بڵاویكردووەتەوە، "كاتژمێر ٣ی شەوی رابردوو و لە گەڕەكی راپەڕینی شاری سلێمانی باوكێك دوو منداڵی خۆی بە لێدان و ئەشكەنجە فڕێدەداوەتە سەر جادە، ئاماژەی بەوەشكراوە، دەستبەجێ هێزەكانی پۆلیس گەیشتوونەتە شوێنی رووداوەكە و بە فەرمانی دادوەر و بەپێی مادەی ٧ی خێزانی تۆمەتبارەكە دەستگیر كراوە.


ئەوەشخراوەتەڕوو، لە ئێستادا منداڵەكان بۆ خانەی چاودێری مێردمنداڵان لە شاری سلێمانی گواستراونەتەوە و لەلایەن بنكەی پۆلیسی راپەڕینەوە پەڕاوی لێكۆڵینەوە بۆ ڕوداوەكە كراوەتەوە.


بەڕێوەبەرایەتی پۆلیسی پارێزگای سلێمانی هێمای بۆ ئەوەشكردووە، هەر شەوی رابردوو و لە گەڕەكی راپەڕین چەند كەسێك هەڵیانكوتاوەتەسەر سوپەرماركێتێك و دەستڕێژی گولـلەیان كردووە، بەوهۆیەشەوە كەسێك بریندار بووە.


لەكۆتایی راگەیەندراوەكەدا هاتووە، دوای گەیشتنی هێزەكانی بنكەی پۆلیسی راپەڕین و بە هاوكاری بەشی پۆلیسی فریاكەوتن توانراوە لە ماوەیەكی كەمدا حەوت تۆمەتباری ڕوداوەكە دەستگیر بكرێن و دەستیشگیراوە بەسەرچەكێكی جۆری كڵاشینكۆف و چەند گولـلەیەكدا.
 
















زۆرترین بینراوەکان