ئەگەر ماسی و ماستاو بەیەكەوە بخۆیت چی بەسەر جەستەدا دێت


نەتەوە  |   12:51:12 2018-09-18  |   (678) جار خوێندراوەتەوە

تاكو ئێستا وا بیستوومانە خواردنی ماسی و ماستاو بەیەكەوە خراپە، لەبەرئەوەی تووشی گرفتی پێستت دەكات و پەڵە لەسەر پێستت دروست دەبێت، یان دەبێتە هۆی ژەهراویبوونی جەستە.
A+    A-

 

بەڵام بەپێی زانیاری و لێكۆڵینەوە پزیشكیەكان ئەو بیركردنەوەیە هەڵەیە و سەرچاوەی هاتنی هەڵەكەش هیندستانە، ئەو بۆچوونە هیچ بنەمایەكی زانستی و پزیشكی لەپشتەوە نییە و تەنیا هیندییەكان ئەو بیركردنەوە هەڵەیەیان داهێناوە و دەما و دەم ڕۆیشتووە.


لەوبارەشەوە د. تاباسیا موندهرا كە پزیشكێكی هیندییە لەسەر خواردنی ماسی و ماستاو بەیەكەوە ئاماژە بەوەدەكات: "ماستاو جەستەی مرۆڤ سارد دەكاتەوە لەكاتێكدا ماسی بەپێچەوانەوەیە، بۆیە خواردنیان بەیەكەوە ناڕەحەتت دەكات و قورست دەكات و جوڵەیەكی زۆری دەوێت بۆ هەرسكردنی".


خواردنی ماسی و ماستاو بەیەكەوە نابێتە هۆی دروستبوونی هیچ گرفتێكی تەندروستی، تەنیا لە حاڵەتێكدا نەبێت كە كەسەكە هەستیاری بۆ یەكێك لەو دوو خواردنە هەبێت، بۆیە ئەگەر لەكاتی خواردنی ماسی و ماستاودا بەیەكەوە تووشی هەر گرفتێكی تەندروستی بویت، پێویستە واز لە خواردنی یەكێكیان بهێنیت و بیدۆزیتەوە بزانیت بە كامیان هەستیاریت، بۆئەوەی دووبارە گرفتی تەندروستیت بۆ دروست نەبێت.
















زۆرترین بینراوەکان