پێنج کورد بۆ پەرلەمانی سوید هەڵبژێردراون


نەتەوە  |   19:12:55 2018-09-14  |   (189) جار خوێندراوەتەوە

ئەنجامە کۆتاییەکانی هەڵبژاردنی سوید بە شێوەیەکی نافەرمی راگەیاندراو تائێستا پێنج کاندیدی کورد بۆ پەرلەمانی سوید هەڵبژێردراون.
A+    A-


بەگوێرەی هەواڵێک کە ئێن ئاڕ تی بڵاویکردووەتەوە وابڕیارە ئەمشەو ئەنجامە کۆتاییەکان بۆ هەڵبژاردنی پەرلەمانی سوید ئاشکرا بکرێت بە پێی ئەنجامە نافەرمییەکان تائێستا پێنج کاندیدی کورد بۆ پەرلەمانی سوید هەڵبژێردراون و یاکلایی بوونەتەوە.

 

هەروەک ئەوەش روونکراوەتەوە کە سێ کەس لەو ئەندامانە لە پارتی سۆسیال دیموکراتن و دوو ئەندامیشیان لە حزبی لیبراڵەکانن.

 

بەپێی هەواڵەکە هەڵبژاردنەکە بۆ 349 کورسی پەرلەمانی و 290 شارەوانی و 20 هەرێم کراوەو حەوت ملیۆن و 500 هەزار کەس مافی دەنگدانیان هەبوو، رێژەى بەشداریش نزیکەى لە 85% بووە، لەنێو کاندیدەکانیشدا، 42 کەسی بەڕەگەز کورد هەبوون.

 

ئاماژەش بەوە دراوە کە هاوپەیمانیی دەسەڵاتدار پاشەکشەیەکی مێژوویی تۆمارکردووەو بە بەراورد بە هەڵبژاردنەکانی پێشوو 29 کورسیی پەرلەمانی لەدەستداوە، کە لە ماوەی 50 ساڵی رابردوودا بەو شێوەیە پاشەکشەی نەکردووە.

 

ئەوەش روونکراوەیەوە کە بەپێی ئەنجامەکان، پارتی سۆسیال دیموکرات 101 کورسی و پارتی ژینگە 15 کورسی و پارتی چەپیش  28 کورسیان بەدەستهێناوە، کە دەکاتە 144 کورسی لە کۆی 349 کورسی پەرلەمان.

 

هاوکات هەفتەی رابردوو هەڵبژاردنی پەرلەمان و هەرێم و شارەوانییەکانی سوید بەرێوەچوو کە تێیدا  پارتی نەتەوەپەرستەکان، کە بە پارتی دژە کۆچبەر و پەنابەران ناسراوە، دەنگەکانی بە رێژەیەکى بەرچاو زیادیکردووەو 17%ی بەدەستهێناوە.
















زۆرترین بینراوەکان