وێنە... گەردەلولەکەی ئەمریكا ملیۆنان کەس ئاوارە دەکات


نەتەوە  |   17:36:36 2018-09-14  |   (445) جار خوێندراوەتەوە

گەردەلوولی فلۆرانس، كە بە “گەردەلوولی وێرانكەر” وەسف دەكرێت لەچەند ویلایەت و شارێكی ئەمریكا دەدات و دەبێتەهۆی بڕینی كارەبا و بەرزبوونەوەی ئاو لەناو شارەكانی نزیك كەناراوەكان و هەزاران کەس گیانیان لەدەستداوەو ملیۆنانیش بەو هۆیەوە ئاوارە دەبن.
A+    A-


بەپێی هەواڵی ئاژانسەكانی ئەمریكا، خێرایی گەردەلوولەكە دەگاتە 150 كیلۆمەتر لە كاتژمێرێكداو سەرەتا لە ناوچەكانی كارۆلینا-ی داوەو بەرپرسان-یش هۆشدارییان داوە لەوەی بەهۆی بەهێزیی باكەوە ژیانی هاووڵاتیانیان لە مەترسیدایەو بەو هۆیەشەوە رێنمایی دراوەتە زیاتر لە ملیۆنێك هاووڵاتی تا ناوچە مەترسیدارەكان چۆڵ بكەن.

 

هەروەک ئاماژە بەوەش كراوە كە شەوی رابردوو بە هەزاران هاووڵاتی گواستراونەتەوە بۆ كامپەكان.

 

لەوبارەیەشەوە حاكمی ئەو ویلایەتە دەڵێت: "پێدەچێت تا نیوەڕۆی رۆژی هەینی هێزی گەردەلوولەكە بگاتە ترۆپكی و بۆ ئەوەش پێویستمان بە ئارامی و كاری هاوبەشە".

 

لای خۆشییەوە، دەزگای كەشناسی ئەمریكا ئاماژەی بەوە كردووە، كە ئەو بارانەی بەهۆی گەردەلوولەكەوە لە كارۆلینای باكوور لەماوەی ئەم سێ رۆژەدا باریووە یەكسانە بە بارانی 8 مانگ.

 

هەرچەندە لە ئێوارەی رۆژی پێنجشەممەوە دۆخەكە بەرەو هێوربوونەوە چووە، بەڵام ناوچەكانی كارۆلینای باكوور بڕێكی ئەوەندە زۆر بارانی لێباریووە کە لەچەند كاتژمێرێكی كەمدا ئاو چووەتە تەواوی ناو شارەكان و شارەكانی نقوم كردووەو ئاستی ئاوی دەریاكان زۆر بەرزبوونەتەوە.

 

كەشناسی ئەمریكا ئەوەشی راگەیاندووە کە سەرەڕای ئەوەی خێرایی با كەم بووەتەوە، بەڵام مەترسییە زۆرەكە هەر ماوەو ئەوەش بەهۆی ئەو بارانە زۆرەوە.

 

هاوكات، بروك لۆنگ، بەڕێوەبەری ئاژانسی فریاكەوتنی بەپەلەی فیدڕاڵی ئەمریكایی دەڵێت: "گەردەلولەكە ژمارەیەكی زۆری لە هاووڵاتیانی كوشتووە، ئەمەش پێشبینیكراوبو".

 

بەپێی پێشبینییە كەشناسییەكانیش، گەردەلوولی فلۆرانس كاردەكاتە سەر باكووری فیلپین و خۆرهەڵاتی چین و بە ئەگرێكی لاوازیش بۆ باشووری تایوان.
















زۆرترین بینراوەکان