رووداوێکی هاتوچۆ دوو قوربانیی لێکەوتەوە


نەتەوە  |   15:10:18 2018-09-14  |   (101) جار خوێندراوەتەوە

لە رووداوێكى هاتوچوۆدا، ئۆتۆمبێلێك دوو هاووڵاتى دەشێلێت و لە ئەنجامدا یەكێكیان گیان لەدەستدەدات و ئەوی دیكەشیان بە سەختى بریندار دەبێت، هاتوچۆی گەرمیانیش لەوبارەیەوە زانیاریی زیاتر ئاشکرا دەکات.
A+    A-


كارزان مەجید، بەڕێوەبەرى راگەیاندنى پۆلیسى هاتووچۆى گەرمیان رایگەیاندووە: "لەسەر شەقامی سەرەکیی کەلار- بەردەسوو و بەرامبەر گەڕەگی گازینۆ، ئۆتۆمبێلێکی جۆری (تۆیۆتا ئەڤەلۆن دوو گەنجی شێلاو هەردووکیان رەوانەى نەخۆشخانە كران".

 

هەروەها بە سایتی دواڕۆژی وتووە: "بەهۆى سەختیى برینەكەیانەوە یەكێك لە گەنجەكان كە تەمەنى 28 ساڵ بوو لە "نەخۆشخانەی فریاكەوتنى شەهید هەژار" گیانى لەدەستداوەو گەنجەكەى دیكەش رەوانەى "نەخۆشخانەى فریاكەوتنى سلێمانى" كراوە".

 

روونیشیکردووەتەوە کە شۆفێرى ئۆتۆمبیلەكە بە فەرمانى دادوەر دەستبەسەركراوە لێكۆڵینەوەش لە رووداوەکە دەستیپێکردووە".

 
















زۆرترین بینراوەکان