خۆشە‌ویستێكی شازادە‌ دیانا كۆچی دوایی دەکات


نەتەوە  |   19:23:45 2018-09-11  |   (166) جار خوێندراوەتەوە

ئولیڤەر هویەر، یەكێك لە بەناوبانگترین خۆشەویستەكانی شازادە دیانا كە زۆرترین قسە و قسەڵۆكی لەسەربوو، لەتەمەنی 73 ساڵیدا پاش ململانێ لەگەڵ نەخۆشی شێرپەنجەدا لەماڵەكەی خۆی  لە فەرەنسا كۆچی دوایی كرد.
A+    A-


هویەر كە بازرگانی تابلۆ هونەرییە بریتانییەكان بووە، لە تەمەنی 16 ساڵیدا پەیوەندیی خۆشەویستی لەگەڵ شازادە دیانا هەبووەو پارێزگاریی لە پەیوەندییەكەیان كردووە هەتا دوای هاوسەرگیریكردنی شازادە دیاناش بە شازادە چارڵز، بووە بە هاوڕێی هاوسەرەكەشی.

 

لە نێوان سەرجەم خۆشەویستەكانی شازادە دیانادا، هویەر بە نزیكترینیان دادەنرێت و بریتانییەكان بە بەرپرسی گەورەی تێكچوونی پەیوەندیی نێوان شازادە دیاناو هاوسەرەكەیی دادەنێن.

 

نووسەری بریتانی (لیدی كولین كامپڵ) لە نووسینێكیدا دەڵێت: "لە رووداوێكی سەیردا شازادە دیانا خۆشەویستەكەی لەناو سندوقی ئۆتۆمبێلەكەیدا بردووەتە كۆشكی كنسیگتون.

 

لە رووداوێكی دیكەشدا، چەند پاسەوانێكی خێزانی شاهانە، شازادە دیاناو هویەریان پێكەوە بینیووە كە لە پشت دارێكەوە بە نیمچە رووتی پێكەوە خۆیان شاردووەتەوە.

 

لەگەڵ سەرجەم ئەوانەشدا، ئەو پیاوە كە باوكی سێ منداڵ بووە لە هاوسەری خۆی كە ژنێكی دەوڵەمەندی فەرەنسی بووە بەناوی دیان جی ڤالدنر، لە شازادە دیانا دوور كەوتووەتەوە لەوكاتەی كە ئاشكرابووە كە دووگیانەو پێویستە منداڵەكەی لەبار بەرێت.
















زۆرترین بینراوەکان