تا ئەم وادەیە كۆتایی بەدابەشكردنی موچەی مانگی 6ى تەواوی وەزارەت و دەستەكان دەھێندرێت


نەتەوە  |   11:30:38 2018-09-11  |   (3,828) جار خوێندراوەتەوە

پەیامێكی دڵنیایی ئاراستەی فەرمانبەرانی ھەرێمی كوردستان دەكرێت سەبارەت بەموچەی مانگی شەش، بەگوێرەی زانیاریەكانیش جگە لەخوێندنی باڵا سبەینێ موچەی وەزارەتی كاروباری شەھیدان و ئەنفالكراوان و زیندانیانی سیاسیش دابەشدەكرێت.
A+    A-

 

بەپێی زانیارییەكان، ئەمڕۆ ١١/٩/٢٠١٨ بەھۆی ڕاگەیاندنی پشوی ڕەسمیەوە، موچەی ھیچ وەزارەتێك دابەشناكرێت، ئەو وەزارەتەی ئەمڕۆش بڕیاربوو موچە وەربگرێت، دەخرێتە سبەینێ چوارشەممە كە وەزارەتی خوێندنی باڵاو توێژینەوەی زانستیە.


لەزانیاریەكاندا ئاماژە بەوەشكراوە، لەگەڵ وەزارەتی خوێندنی باڵادا موچەی مانگی حوەزیرانی وەزارەتی كاروباری شەھیدان و ئەنفالكراوان و زیندانیانی سیاسیش دابەشدەكرێت.


ھەروەك بڕیاروایە سبەینێ‌ چوارشەممە ناوی ئەو وەزارەتەش ڕابگەیەنرێت، كە بڕیارە ڕۆژی پێنجشەممە ١٣/٩/٢٠١٨ موچەی مانگی حوزەیران وەربگرێت.


هاوكات ماڵپەڕی ئێس ئێن ئێن لەپەیامێكدا كە لەیەكێك لەبانكەكانەوە پێدراوە بڵاویكردۆتەوە، "تاوەكو ٢٣ی ئەم مانگە كۆتایی بەدابەشكردنی موچەی مانگی حوزەیرانی تەواوی وەزارەت و دەستەكان دەھێندرێت و فەرمانبەرانیش دڵنیادەكەینەوە پارەی پێویست بۆ پێدانی موچەی سەرجەم وەزارەتەكان تەرخانكراوە".
 
















زۆرترین بینراوەکان