یاریگەی فرەنسۆ هەریری دەفرۆشرێت


نەتەوە  |   19:00:09 2018-09-10  |   (190) جار خوێندراوەتەوە

یاریگەی فرەنسۆ هەریری، کە یاریگەی سەرەکیی یانەی هەولێرە دەفرۆشرێت و یاریگەیەکی نوێ لەجیاتیی دروستدەکرێت.
A+    A-


بەگوێرەی هەواڵێکی سایتی رووداو، بە رەزامەندیی حکومەتی هەرێم و بەرپرسانی پارێزگای هەولێر یانەی وەرزشیی هەولێر بڕیاریانداوە زەوی یاریگەی فرەنسۆ هەریری بفرۆشن و لە شوێنێکی گونجاوتر یاریگەیەک دروستبکرێت و دروستکردنی یاریگە نوێیەکەش دەکەوێتە ئەستۆی ئەو وەبەرهێنەی زەویی یاریگەکە دەکڕێت.

 

لەکاتێکدا یانەی هەولێر ئەمساڵ گەڕایەوە خولی نایابی عیراق، بەڵام یانەکە لە رووی داراییەوە دۆخی باش نییە و فرۆشتنی یاریگەکە و دروستکردنی یاریگەیەکی نوێش لە چوارچێوەی هەوڵەکانیدایە بۆ باشترکردنی دارایی یانەکە.

 

یاریگەی فرەنسۆ هەریری کە کەوتووەتە ناوەڕاستی شاری هەولێرەوە، ماوەی چەندین ساڵە یارییە نێودەوڵەتییەکانی هەڵبژاردەی عیراقیشی تێدا دەکرێت.
















زۆرترین بینراوەکان