هۆکارەکانی تووشبوونی هاووڵاتییان بە شێرپەنجە بڵاودەکرێته‌وه‌ 


نەتەوە  |   01:30:19 2018-09-09  |   (3,910) جار خوێندراوەتەوە

نێوەندی توێژینەوەی شێرپەنجە لە "ئەڵمانیا" ئاماری تووشبووان بە شێرپەنجە لە ئەمساڵ و هۆکارەکانی دروستبوونیان رووندەکاتەوە.
A+    A-

 

به‌پێی توێژینه‌وه‌كه‌، جگەرە، مەی، قەڵەوی، نەجووڵان، هەڵمژینی هەوای پیس و هۆکارگەلێکی دیکە دەبنەهۆی تووشبوون بە شێرپەنجە، لەکاتێکدا دەکرێت بە دوورکەوتنەوە لە رووبەڕووبوون لەگەڵیان، رێگە لە توشبوون بە شێرپەنجە بگیرێت.


ئاماژه‌ به‌وه‌شكراوه‌، لەنێو ئەوانەی ئەمساڵ تووشی شێرپەنجە بوون، لانیکەم 165 هەزار کەسیان دەکرا رێگا لە تووشبوونیان بگیرێت، ئەوە لەکاتێکدایە کۆی تووشبووان بە شێرپەنجە لە ئەڵمانیا و لە ساڵی 2018 دا گەیشتووەتە 440 هەزار کەس، بەڵام بەشێک لە هۆکارەکان ناتوانرێت رێگا لە روودانیان بگریت.


گرنگترین هۆکارە خۆردەکردەکانی تووشبوون بە شێرپەنجە لە ئەڵمانیا ئەمساڵ بەمجۆرەن:


جگەرەکێشان: هۆکاری تووشبوونی 85 هەزار کەسە بە شێرپەنجە لە ئەڵمانیا لە ساڵی 2018
قەڵەوی: هۆکاری تووشبوونی 30 هەزار کەسە
کەمجووڵان: هۆکاری تووشبوونی 27 هەزار کەسە
کەم خواردنی ریشاڵە خۆراکییەکان: هۆکاری تووشبوونی 15 هەزار کەسە
کەم خواردنی سەوزە و میوە: هۆکاری 10 هەزار حاڵەت
زۆر خواردنی سۆسج و باسترمە و هاوشێوەکانیان: هۆکاری 10 هەزار حاڵەت
زۆر خواردنی گۆشتی سوور: هۆکاری 1700 حاڵەت
زۆر خواردنی خوێ: هۆکاری 1200 حاڵەت
مەیخواردنەوە: هۆکاری 9600 حاڵەتە
بەکتریا و ڤایرۆسی وەکوو ئیچ پایلۆری و پاپیلۆما: 17 هەزار حاڵەت
پیسیی هەوا و ژینگەش هۆکاری تووشبوونی 5400 کەس بووە بە شێرپەنجە
 
















زۆرترین بینراوەکان