بەندرەرێکی گرنگ داخرا


نەتەوە  |   11:10:41 2018-09-08  |   (335) جار خوێندراوەتەوە

بەهۆی ئەو خۆپیشاندان و ناڕەزایەتیانەی کە پارێزگاکەى گرتووەتەوە، دەسەڵاتدارانی عێراق بەندەری ئوم قەسڕیان لە پارێزگای بەسڕە باشووری عێراق داخستووە.
A+    A-


موحسن رازی کە فەرمانبەرە لە بەندەری ئوم قەسڕ بە ئاژانسی ئەنادۆڵی ڕاگەیاندووە،  "دەرگاکانی بەندەری ئوم قەسڕ بە تەواوی بەڕووی هاتن و چوونی کەشتییە بارهەڵگرەکان تاوەکو کاتێکی نادیار داخراوە".
 

رازی  وتووشیەتی "کردنەوەی بەندەرەکە پەیوەستە بە ئاساییبوونەوەی دۆخی ئەمنی".
 

هاوکات ئەنمار سافی وتەبێژ بەناوی کۆمپانیای گشتی بەندەرەکان سەر بە وەزارەتی گواستنەوەی عێراق، ڕایگەیاندووە "وەزیری گواستنەوە، کازم فینجان پەیامێکی ئاراستەی خۆپیشاندەران لە پارێزگای بەسڕە کردووە و داوای لێکردوون کە زیان بە فڕۆکەخانە و بەندەرەکان نەگەیەنن بەو پێیەی دامەزراوەی خزمەتگوزاریین".
 

ئەنمار سافی وتووشیەتی "وەزارەتی گواستنەوە لەگەڵ داواکاری رەوای خۆپیشاندەران دایە بەڵام لەگەڵ ئەوەدانییە کە زیان بە دامەزراوە خزمەتگوزارییەکان و باڵەخانەی فەرمانگەکانی حکوومەت بگەیەنرێت بەوپێیەی خزمەتگوزاری گشتی پێشکەش بە گەلی عێراق دەکەن".
















زۆرترین بینراوەکان