مۆراتا بەم جۆرە باس لە رۆیشتن ‌و گەڕانەوەی بۆ ریاڵ مەدرید دەكات


نەتەوە  |   15:44:29 2018-09-05  |   (182) جار خوێندراوەتەوە

ئەلڤارۆ مۆراتا یاریزانی پێشووی ریاڵ مەدرید كە ئێستا لە یانەی چێڵسی یاری دەكات، سەبارەت بە رۆشتنی لە یانەی ریاڵ و ئەگەری گەڕانەوەی روونكردنەوە دەدات.
A+    A-

 
 سەرەتا دەڵێت: كێ هەیە نەیەوێت بچێتە ریاڵ مەدرید ، كێ نایەوێت بگەڕێتەوە بۆ ریاڵ  ؟ من بۆیە ریاڵ مەدریدم بەجێهێشت تا زیاتر یاریی بكەم و بۆ هەڵبژاردەی ئیسپانیا بانگهێشت بكرێم و لە مۆندیالدا بەشداریی بكەم، بەڵام لە كۆتاییدا بانگهێشت نەكرام.
 
 روونیشیكردووەتەوە گە لە وەرزی رابردوودا رووبەڕووی كۆمەڵێك كێشە بووەتەوە وەك پێكان، بەڵام دەڵێت: "ئێستا زۆر بە بەهێزی گەڕاومەتەوە".


 مۆراتا ئاماژە بەوەش دەدات كە هەرگیز بڕوای بەوە نەبووە كە رۆناڵدۆ ریاڵ جێبهێڵێت و پێیوابووە كە ئەو هەواڵانە تەنها لە پێناوی نوێكردنەوەی بۆندەكەیدایە.
 
ئاماژەشی بەوەكرد كە بەڕێوبەری یانەی یۆڤانتۆس پێی وتووە ئەوان پێش ئەوەی بۆندەكەی رۆناڵدۆ نوێبكرێتەوە، دەیكڕن و دەیگوازنەوە بۆ تۆرینۆ، بەڵام  ئەم بڕوای بەو قسەیە نەكردووە.
 
دەشڵێت: باوكیشم پێی وتم رۆیشتنی رۆناڵدۆ كارێكی ئەستەمە ، بەڵام پێم وابوو رۆناڵدۆ ئەگەر لە ریاڵ بڕوات، دەچێتە یانەیەك كە هاوشێوەی ریاڵ بێت‌و بڕوای خۆشی نیشاندا كە رۆیشتنی رۆناڵدۆ پەیوەندیی بە خراپیی دۆخی یاریزانانەوە بووبێت لە ژووری خۆگۆڕین، ئەگەرنا كێشەكە پارەو ماوەی مانەوەی بووە لە  ریاڵ مەدرید.
 
















زۆرترین بینراوەکان