دادگا بڕیاری له‌سه‌ر سكاڵایەكی نەجمەدین كەریم لەسەر عەلی حەمە ساڵح دا


نەتەوە  |   12:08:44 2018-08-15  |   (938) جار خوێندراوەتەوە

loading...
ئەمڕۆ چوار شەممە لە هەولێر دادگا سكاڵایەكی "نەجمەدین كەریم"، پارێزگاری پێشووی كەركوكی رەتكردەوە، كە لەسەر عەلی حەمە ساڵح پەرلەمانتاری كوردستان بەهۆی ناوهێنانی لە دیارنەمانی داهاتی نەوتدا تۆماری كردبوو.
A+    A-

 

ئەمرۆ چوار شەممە ١٥ی ئاب، لەدادگای هەولێر پرۆسەی دادگایی كردن لەسەر ئەو سكاڵایەی پارێزگاری پێشووی كەركوك بەڕێوەچوو، بەڵام دادگا بەهۆی نەبوونی بەڵگە لەسەر ئەو بابەتە بڕیاردرا سكاڵاكە رەتبكرێتەوە و كەیسەكەش دابخرێت.


لای خۆیه‌وه‌ عەلی حەمە ساڵح له‌ لێدوانێكی رۆژنامه‌وانیدا رایگەیاند، بەهۆی ئەوەی باسی پارەی نەوتی كەركوكی كردووە لەبانكێكی هەرێم و لەسەر حیسابی شەخسی، بۆیە سكاڵایان لەسەر تۆماركرا، بەڵام ئەوان لەسەر ئەم بابەتە بەڵگە و دیكۆمێنتی تەواویان هەبووە.


سەبارەت بەخەرجكردنی پارەكەش بۆ بەڵێندەران ناوبراو رەتی كردەوە پارەكە بۆ ئەو توێژە خەرج كرابێت و رایگەیاند، دەستەی دەستپاكی عێراقیش ئەم داوایە دەكاتە داوایەكی یاسایی و جەزائی.


ئه‌مه‌ش له‌كاتێكدایه‌ بەهۆی ئەوەی چەند جارێك لەراگەیاندنەكانەوە پەرلەمانتار عەلی حەمە ساڵح ناوی پارێزگاری پێشووی كەركوكی هێنا كە بەرپرسە لەدیارنەمان و نەگەڕانەوەی پارەی نەوتی كەركوك، نەجمەدین كەریم سكاڵایەكی لەسەر ناوبراو تۆماركرد و بەبیانوی ناوزڕاندنیەوە داوای یەك ملیۆن دۆلاری لەم پەرلەمانتارە دەكرد.





loading...











زۆرترین بینراوەکان