ئه‌نجومه‌نی پارێزگا هۆشداریی له‌سه‌ر جۆره خۆراكێك ده‌دات


نەتەوە  |   12:11:29 2018-08-14  |   (224) جار خوێندراوەتەوە

ئەمڕۆ سێشەمە ئەنجومەنی پارێزگای "سلێمانی" لەبەرامبەر خراپی بەشە ئاردی دابەشکراو لە سنوری پارێزگای سلێمانی و گەرمیان و ڕاپەڕین کۆبونەوەیەکی ئەنجامدا و جه‌ختیكرده‌وه‌، "ئەو جۆرە ئاردەی نێردراوە بۆ سلێمانی شیاو نییە".
A+    A-

 

له‌وباره‌یه‌وه‌ ئازاد محەمەد ئەمین سەرۆکی ئەنجومەنی پارێزگای سلێمانی ڕایگەیاند، "کۆبونەوەکەمان ٤٨ ھەمین کۆبونەوەیە تایبەتە بە بانگھێشتکردنی بەڕێوەبەری بازرگانی دانەوێڵەی سلێمانی و بەڕێوەبەری دروستکردنی دانەوێڵە".


ناوبراو وتیشی: "بەپێی ڕاپۆرتی لیژنەکەمان ئەو بەشە ئاردەی ھاتووە بۆ شاری سلێمانی جیاوازی ھەبووە لەگەڵ بەشە ئاردی شارەکانی دیکە و ئەو گەنمەی بۆ کارگەی ئارد دێت بۆ سلێمانی شیاو نییەو لە شارەکانی دیکە گەنمی باشتر بۆ کارگەی ئارد نێردراوه‌.


هاوكات لەکۆبونەوەی ئەنجومەنی پارێزگای سلێمانی ھەریەکە لە محەمەد حەسەن بەڕێوەبەری بازرگانی دانەوێڵەو نەسیم محەمەد بەڕێوەبەری دروستکردنی دانەوێڵە بانگھێشتکراون بۆ لێکۆڵینەوە لەو بابەتە.
















زۆرترین بینراوەکان