نوێترین زانیاری لەسەر کردنەوەی ڕێگای نێوان کەرکوک – هەولێر


نەتەوە  |   11:27:03 2018-08-09  |   (400) جار خوێندراوەتەوە

بەڕێوەبەری ئەنجومەنی ناحیەی پردێ ڕایگەیاند، "پردە ئاسنییەکە هێنراوەتە پردێ و سەرقاڵی پاککردنەوەی ڕێگاکەن بۆ دانانی پردەکە".
A+    A-

 

محەمەد نادر، بەڕێوەبەری ئەنجومەنی ناحیەی پردێ له‌ لێدوانێكدا بۆ سایتی ئێن ئاڕ تی ڕایگەیاند، پردە ئاسنیەکە هێنراوەتە پردێ و لە ئێستادا سەرقاڵی پاککردنەوە و چاککردنن بۆ دانانی پردەکە، کە حەوت بۆ هەشت ڕۆژی پێویستە.


دوای ئەنجامدانی پێنج کۆبوونەوەی نێوان بەرپرسانی هەرێمی کوردستان و هێزە عێراقییەکان بۆ کردنەوەی ڕێگای کەرکوک - هەولێر، هێشتا دیار نییە کەی ڕێگاکە دەکرێتەوە .


لە ئێستادا ئەوانەی دەیانەوێت لە کەرکوکەوە بچنە هەولێر دەبێت لە ناحیەی پردێ ئۆتۆمبێلەکانیان دابنێن و لە ساتری هێزە عێراقییەکانەوە بەپێ بچنە ئەوبەری ڕێگاکە کە هێزەکانی پێشمەرگەی لێ جێگیربوون، لەوێشەوە تەکسی بگرن تا دەگەنە هەولێر.


نەکردنەوەی ڕێگای کەرکوک - هەولێر تا ئێستا لە کاتێکدایە کە زیاتر لە دوو مانگە حەیدەر عەبادی بڕیاری کردنەوی ڕێگاکەی دەرکردووە و بۆ لابردنی ئەو ساترە گڵە و کردنەوەی ڕێگای گشتی کەرکوک - هەولێر چەند جارێک بەرپرسانی هەرێمی کوردستان و عێراق کۆبوونەتەوە، بەڵام تائێستا ڕێگاکە وەک خۆی ماوە و نەکراوەتەوە. 
















زۆرترین بینراوەکان