بەم نیشانانە بزانە باری دەروونی منداڵەکەت خراپە


نەتەوە  |   17:11:29 2018-08-08  |   (235) جار خوێندراوەتەوە

مرۆڤ له‌ هه‌ر ته‌مه‌نێكدا بێت چه‌ندین هۆكار هه‌یه‌ ده‌بێته‌ خراپبوونی باری ده‌روونی، ڕه‌نگه‌ منداڵه‌كان نه‌توانن به‌ ئاسانی ئه‌وه‌ی‌ له‌ دڵیاندا هه‌یه‌ باسی بكه‌ن به‌ڵام دایكان له‌ چه‌ند ڕه‌فتارێكی منداڵه‌كانیانه‌وه‌ ده‌توانن له‌وه‌ بگه‌ن كه‌ منداڵه‌كه‌یان باری دره‌ونی ئارام نییه‌.
A+    A-

 

1- قەبزی : ڕەنگە سەیر بێت بەلاتەوە بەڵام لە راستیدا نائارامی دەرونی  منداڵ هۆكارێكی سەرەكیە بۆ قەبزی و ئەو كاتەش كە منداڵ بەشێوەیەكی بەردەوام قەبز بێت ئەوە پێویستە دایك منداڵەكەی بباتە لای پزیشك بۆ ئەوەی بزانێت هیچ كێشەیەكی جەستەی نیە ، ئەگەر جەستەی تەندروست بێت ئەوە پێویستە دایك باری دەرونی منداڵەكەی ئاسای بكاتەوە و ئاگاداری بێت .

 

2- ئازاری گەدە : ئازار و كێشەی بەردەوام لە گەدەدا یەكێكە لە نیشانەكانی نائارامی دەرونی و قەلەقی بەردەوام .

 

3- ڕەتی دەكاتەوە بچێت بۆ قوتابخانە : ئەم ئارەزوەی هەڵقوڵاوی تەمەڵی  و ئارەزوو نەكردنی  زوو هەستان لە خەوو و كێشەی قوتابخانە نیە بەڵكو ئاماژەیە بۆ خراپی باری دەرونی منداڵەكە .

 

4- ڕاكردن لە چالاكیەكان : ئەگەر هەست بەوە دەكەیت منداڵەكەت لە چالاكیە كۆمەڵایەتیەكان دەترسێت و ڕادەكات و خۆی دوور دەخاتەوە ئەوە ئاماژەیە بۆ خراپی و ئاڵۆزی باری دەرونی منداڵەكە و نابێت  ئەمە فەرامۆش بكرێت .
















زۆرترین بینراوەکان