کاتی پەخشی کەناڵی هانا تیڤی تایبەت بە سەما ڕاگەیەندرا


نەتەوە  |   19:27:26 2018-08-07  |   (535) جار خوێندراوەتەوە

بەڕێوەبەری کەناڵی هانا تیڤی ڕایدەگەیەنێت، "دوای دەیان هەڕەشە و هێرش و سکاڵا دواجار ڕەزامەندییان وەرگرتووە"و لە رۆژی 8ی ئابی 2018 پەخشی کەناڵەکەیان بە "سەما" دەستپێ دەکات.
A+    A-

 

هیوا فریادڕەس، بەڕێوەبەری گشتی هانا تیڤی له‌ لێدوانێكدا بۆ سایتی دواڕۆژ رایگەیاند: دوای دەیان رێگری و کەمپین و هێرش و سوکایەتی بەشێک لە پیاوانی ئاینی، دواجار بڕیاری کردنەوەی کەناڵەکەماندا و رێکارە یاسایی و هونەریەکانی حکومەتیشمان بڕی، بۆیە رۆژی چوارشەممەی داهاتوو کاتژمێر 8ی ئێوارە کەناڵی (هاناتیڤی) دەستبەپەخش دەکات".


ناوبراو وتیشی "یەکەم نمایشی کەناڵەکە بە جوانترین جۆرەکانی سەما دەست پێدەکەین و بەرنامەی تریشمان هەیە، بەبێ هیچ گۆڕانکارییەک لە پرۆگرامەکان و هەر بەوجۆرەی کە پێشتر دیاریکرابوو دەستبەپەخش دەکەین، لەو چوارچێوەیەشدا نمایشی سەما جیاوازەکان، وەک سەمای عەرەبی و تورکی و فارسی و ئەوروپی و ئەمریکی و کیزۆمبا و بالێ و جۆرەها سەمای تر بڵاودەکەینەوە".


لەبارەی فریکوێنسی کەناڵەکەوە، هیوا فریادڕەس رونیكردەوە "پەخشی کەناڵی (هاناتیڤی) بەشێوەی (فری) لە ڕێی ئای ستار و بە سیستمی ( DVBT1) و ( DVBT2 ) دەبێ، هاوڵاتیان دەتوانن بە سود وەرگرتن لە ریسێرڤەری "ئای ستار"، یان راستەوخۆ لە رێی ئامێری تەلەڤزیۆنەکانی خۆیانەوە، کە ئەو سیستمانەی تێدایە بینەری بەرنامەکان و سەماکانی جیهان بن".
 
















زۆرترین بینراوەکان