کوڕەکەی بن لادن هاوسەرگیری کرد


نەتەوە  |   17:03:36 2018-08-06  |   (368) جار خوێندراوەتەوە

رۆژنامەى گاردیانى بەریتانى لە لاپەڕەى یەکدا ڕاپۆرتێکى لەسەر هاوسەرگیرى "حەمزە"ى کوڕى ئوسامە بن لادنى سەرۆکى پێشووى ڕێکخراوى قاعیدە لەگەڵ کچى محەمەد عەتا بەرپرسى یەکەمى ئەو گروپەى کە هێرشەکانى ١١ى سێپتێمبەرى ئەمریکاى ئەنجامدا بڵاوکردەوە.
A+    A-

 

رۆژنامەکە نوسیویەتى، هەواڵى هاوسەرگیرییەکە هەردوو زڕبراى بن لادن، ئەحمەد و حەسەن عەتاس لە چاوپێکەوتنێکدا تەئکیدیان لێکردوەتەوە.

 

ئەو دوو زڕ برایەى حەمزە ئەوەشیانوتووە، ئەوان بڕوایان وایە حەمزە لە ناو رێکخراوى قاعیدەدا پۆستێکى گەورە وەردەگرێت و هەوڵى تۆڵەکردنەوەى باوکى دەدات کە ٧ ساڵ بەر لە ئێستا هێزێکى تایبەتى ئەمریکى لە پاکستان کوشتیان.

 

رۆژنامەى گاردیان ئاماژەى بەوەشکردوە، حەمزە بن لادن کوڕى خەیریە سابیرە یەکێک لە سێ ژنەکەى بن لادن کە لە کۆمەڵگەى ئەبوت ئابادى نزیک بنکەیەکەیەکى گەورەى سەربازى پاکستان لەگەڵ بن لادندا دەژیان.

 

رۆژنامەکە ئەوەشى نوسیوە، بن لادنى کوڕ کە وەک جێگرى ئەیمەن زەواهیرى جێگرى سەرۆکى ئێستاى رێکخراوى قاعیدە سەیرى دەکرێت، پێشتر بەیاننامەیەکى دەرکردوە و داواى لە شوێنکەوتوانى قاعیدە کردوە هێرش بکەنە سەر واشنتۆن و لەندەن و پاریس و تەلئەبیب.
















زۆرترین بینراوەکان