بە شێوەی دەنگدانی ئاشکرا مووچەی سەرۆک دیاریکرا


نەتەوە  |   15:36:42 2018-07-24  |   (288) جار خوێندراوەتەوە

دیاریکردنی مووچەی سەرۆکی یەکێتیی تۆپی پێی ئیسپانیا یەکێک بوو لەو تەوەرانەی ئەمڕۆی یەکێتییەکە و ئەو تەوەرەش خرایە دەنگدانەوەو بڕی مووچەکەش لەلایەن 5 دەنگی نەخێر بەرامبەر بە 106 دەنگی رازیی یەکلایی کرایەوە.
A+    A-


ئەمڕۆ کۆبوونەوەیەکی گەورەی یەکێتیی تۆپی پێی ئیسپانیا و رابیتەی لالیگا ئەنجامدراو تێیدا تیروپشکی سەرجەم خولەکانی ئەم وەرزەی ئیسپانیا راگەیەندراو چەندین تەوەری گرنگ لە کۆبوونەوەکە قسەو باسیان لەبارەوە کراو خرانە دەنگدانەوە.

 

 یەکێک لە تەوەرەکانی کۆبوونەوەکەش دیاریکردنی مووچەی رۆبیالێس-ی سەرۆکی نوێی یەکێتی تۆپی پێی ئیسپانیا بوو کە مووچەکەی رۆبیالێس بە 160 ھەزار یۆرۆ مووچەی ساڵانە دیاریکراو 106 لە ئەندامانی یەکێتییەکە لەسەر ئەو مووچەیە رازیبوون و بەبەڵی دەستیان بەرزکردەوەو پێنج کەسیش دژی بوون، جگە لەو مووچەیە رۆبیالێس لە داھاتی ریکلامەکان 0.6% وەردەگرێت و 0.175% لە بودجەی یەکێتییەکە وەردەگرێت، ھەروەھا خانوویەکی لە مەدرید پێ دەدرێت، چونکە خۆی لە ڤالنسیا دەژی.

 

 ئەوەی جێی ئاماژەیە رۆبیالێس بۆ ماوەی دوو ساڵ سەرۆکی یەکێتی تۆپی پێی ئیسپانیا دەبێت.
















زۆرترین بینراوەکان