تەرمی هاوڵاتییه‌ك لەبەردەم ماڵەکەی دۆزرایەوە 


نەتەوە  |   10:58:35 2018-07-19  |   (949) جار خوێندراوەتەوە

دوای ئەوەی هاوڵاتییه‌كی خەڵكی "پیرداود لە دەشتی قەراج"، لەلایەن كۆمەڵێك چەكدار دەڕفێنرێت‌،بەیانی ئەمڕۆ تەرمەکەی لەبەردەم ماڵەکەی دۆزراوەتەوە.
A+    A-

 

سۆران عومەر، برای ئەو هاوڵاتییه‌ رایگەیاند: "تەرمی کەسێک لەبەردەم ماڵی براکەم کە رفێندرابوو، فڕێدراوە".


هاوكات سەرچاوەیەكی سەربازی لە میحوەری گوێر - مەخمووری هێزی پێشمەرگە كە بە میحوەری شەش ناسراوە بەسایتی رووداوی راگەیاندوه‌: "ئەگەری زۆرە ئەو چەكدارانەی ئەو هاونیشتمانییەیان رفاندبوو سەر بەداعش بن، چونكە هێشتا بوونیان لەو سنوورەكە بەشێوازی پەرتەوازەیی هەر ماوە و رەنگە هەر ئەوانیش کوشتبێتیان".


كاتژمێر 10ی شەوی 17/7/2018، شوانێكی خەڵكی پیرداود بەناوی (مەجید عومەر)، لە دەشتی قەراج، لەلایەن كۆمەڵێك چەكداری نەناسراوەوە رفێندرا و بەیانی ئەمڕۆ پێنجشەممە 19/7/2018 تەرمەکەی لەبەردەم ماڵەکەی دۆزرایەوە.
















زۆرترین بینراوەکان