چەند رێنوێنیەك بۆ خانمانی دووگیان


نەتەوە  |   21:52:48 2018-06-14  |   (1,194) جار خوێندراوەتەوە

دووگیان بوون وەك هەمووان دەزانین كاتێكی زۆر هەستیارە و دەبێت دایكانی دووگیان خۆیان لە زۆر شت بپارێزن لەبەر پاراستنی تەندروستی كۆرپەلەكەی. 
A+    A-

 

١- خۆت لە خگەرە كێشان دوور بگرە 
بە كێشانی جگەرە یاخود هەڵمژینی دووكەڵەكەی كاتێك كەسێكی نزیك لێتەوە دەیكێشێت، بە هەمژینی دووكەڵی جگەرە ئەگەر تەنانەت خۆشت نەیكێشیت زۆر زیانی دەبێت بۆ كۆرپەلەكە و تەندروستی و دەبێتە هۆی ئەوەی كۆرۆپەلەكەت لەناكاو لەبار بچێت، بە كێشێكی كەم لەدایك بێت، یاخود مردنی لەدوای لەدایكبوونی چەندەها كێشەی تەندروستی دیكە بۆ كۆرپەلە و دایكەكەی.

 

٢- خۆت لە ماددە كحولەكان بەدوور بگرە 
ماددەی كحول كاتێك لە لایەن دایكانی دووگیانەوە دەخورێتەوە دەبێتە هۆی نەخۆشی (FETAL ALCOHOL SYNDROME) كە دەبێتە هۆی رێگرتن لە گەشەسەندنی مێشكی منداڵەكە و لەدواجاردا منداڵەكە بە نووقسانی لەدایك دەبێت. لەبەر ئەم مەبەستەش نابێت دایكانی دووگیان بەهیچ جۆرێك ماددەی كحوڵ بخۆنەوە. 

 

٤- خۆت لە  بەكارهێنانی دەرمان بەدوور بگرە 
هەوڵ بدە خۆت لە دەرمان بەدوور بگری بەتایبەتی ئازارشكێنن پێش ئەوەی پرسیار لە پزیشكەكەت ئەكەیت. یەكێك لەو دەرمانانەی زەرەری زۆرە بۆ ژنانی دوو گیان حەبی ئەسپرینە كە بە بێ پرسی پزیشك نابێت بەهیچ جۆرێك بەكاری بهێنیت لە لە كاتی دوو گیانیدا. 

 

٥- خۆت لە ماددەی كافاین بەدوور بگرە 
بەكارهینانی زۆری كافاین كە زیاتر لە چاو قاوەدا بەدی دەكرێت دەركەوتوە كە دەبێتە هۆی زیادكردنی ئەگەری توشبوونی كۆرپەلە بە شەكرە. لەبەر ئەم هۆیەش نابێت لەكاتی دووگیانیدا ئەم جۆرە خواردنەوانە زۆر بخورێنەوە. 

 

٦- خۆت لە تیشكی (XRAY) لەگەڵ (MICROWAVE) بەدوور بگرە 
خۆت بەدور بگرە لەم جۆرە تیشكانە كە زیاتر لە رێی عەشیعەوە بەر مرۆڤەكان دەكەوێت. هەوڵ بدە پێش ئەوەی سەردانی پزێشك یاخود پزیشكی ددانەكەت دەكەیت ئاگادریان بكەیتەوە لەم حاڵەتە. 

 

٧- خۆت لە خواردنی قوتو بەدوور بگرە 
وەك هەموومان دەزانین خواردنی قوتو بەتایبەتی گۆشتی قوتو زیانی هەیە بۆ تەندروستی و پرە لە ماددەی حافیزە كە ناهێڵێت خواردنەكە زوو بەسەر بچێ. لەبەر ئەم هۆیەش كۆرپەلەكەت لەم ماددە كیمیایانە بپارێزە و خۆت لە خوارنی جیپس و خواردنی قوتو بەدوور بگرە.

 

 ٨- زیاتر ئاوی سرووشتی بخۆرەوە، نەك لە ئاوی کانزایی
لە چەند لێكۆڵینەوەیەكدا ئەوەیان دەرخستوە كە ئاوی دەبێتە هۆی زیادكردنی ئەگەری لەبارچونی كۆرپەڵە بەهۆی ئەوەی كە ئەو سوودانی لە ئاوی سروشتیدا هەیە لە ئاوی دەبەدا بەدی ناكرێت. 

 

٩- خۆت لە ماددە پاكەرەوەكان بەدوور بگرە 
چەندەها ماددەی ژەهراوی لە كەرستەی پاكردنەوەی ماڵدا بەدی دەكرێت و كاتێكیش ناچاریت بەكاریان بهێنیت هەوڵ بدە پەڕۆیەك بكەیت بە دەمتەوە بۆی ئەو ماددانە هەڵنەمژیت. 

 

١٠- خۆت لە قەلەقی، خەمۆكی و نا ئارامی بەدوور بگرە 
كاتێك تۆ نیگەران دەبیت لەشی تۆ چەن هۆرمۆنێك دەردەكات، كە لەوانەیە ببێتە هۆی زیادكردنی پەستانی خوێنت یاخود چەن گۆڕانكاریەك لە لەشدا كە دواجار دەبێتە هۆئ زیان بۆ كۆرپەلەكەت. 

 

١١-مەهێڵە پلەی گەرمی لەشت زۆر زیاد بكات 
زیادبوونی پلەی گەرمی لەشت زیانێكی زۆری هەیە بۆ كۆرپەلەكەت و ئەگەری زۆری هەیە ببێتە هۆی لە بار چوونی لەبەی ئەم مەبەستەش خۆت بەدوور بگرە لە كاركردنی زۆر، راهێنانی زۆر، حەمامی زۆر گەرم یان ساونا. ئەگەر تای بەرزت لێهات دەبێت بە زورترین كات سەردانی پزیشك بكەیت بۆچارەسەركردنی بۆی لەدواجارە زەرەر نەدات لە كۆرپەلەكەت.

 
















زۆرترین بینراوەکان