سەڵاحەدین دەمیرتاش وەڵامی ئەردۆغانی دایەوە


نەتەوە  |   13:06:19 2018-06-14  |   (209) جار خوێندراوەتەوە

كاندیدی هەدەپە بۆ پۆستی سەرۆك كۆماری توركیا وەڵامی لێدوانێكی رەجەب تەیب ئەردۆغانی دایەو رایگەیاند، "سەرەتا بۆ خۆپاڵاوتن بۆ سەرۆكایەتی كۆمار، دەبێت بڕوانامەی خوێندنت هەبێت و ئەوەش بخەیتەڕوو، بەڵام تاوەكو ئێستا كەس بڕوانامەكەی تۆی نەبینیووە".
A+    A-

 

رەجەب تەیب ئەردۆغان له‌ لێدوانێكدا رایگەیاندبوو، "دەبێت هەلومەرجی پاڵێورابوون بۆ سەرۆكایەتیی كۆمار هەبێت، دەبێت ئەو هەڵەیە (كە دەمیرتاش كراوەتە پاڵێوراو) راست بكرێتەوە".


لەوەڵامی ئەو لێدوانەدا سه‌ڵاحه‌دین دەمیرتاش لە رێگەی تویتەرەوە وەڵامی ئەردۆغانی دایەوە و وتی "ئەردۆغان سەیر بكە ئەمجارە لەگەڵتام، دەبێت سەرەتا تۆ بۆ خۆپاڵاوتنت بۆ سەرۆكایەتیی كۆمار، بڕوانامەی خوێندنت هەبێت و ئەوەش بخەیتەڕوو، بەڵام تاوەكو ئێستا كەس بڕوانامەكەی تۆی نەبینیوە".


دەمیرتاش ئاماژه‌ی به‌وه‌شكردووه‌، "من هەموو فاكتەرەكانی بۆ پاڵێوراوبوونی سەرۆكایەتی كۆمارم هەیە، بەڵام بێگومان تۆ هەموو فاكتەرەكانت نییە".


سەڵاحەدین دەمیرتاش، هاوسەرۆكی پێشووی پارتی دیموكراتی گەلان (هەدەپە)و كاندیدی ئێستای ئەو پارتە بۆ پۆستی سەرۆك كۆماری توركیا.
 
















زۆرترین بینراوەکان