وادەی گەیشتی پارەكەی بەغدا راگەیه‌ندرا، دارایی موچەی مانگی 3 دابەشدەكات


نەتەوە  |   00:33:12 2018-05-20  |   (5,998) جار خوێندراوەتەوە

نه‌ته‌وه‌ "بڕیارە رۆژی یه‌كشه‌ممه‌ پارەكەی بەغدا بۆ موچەی فەرمانبەران كە بڕەكەی 317 ملیار دینارە، بگاتە هەرێم، هاوكات واده‌ی دابه‌شكردنی موچه‌ی مانگی 3 له‌لایه‌ن وەزارەتی داراییه‌وه‌ ئاشكرا ده‌كرێت.
A+    A-

 

ماڵپه‌ڕی تۆڕی هه‌واڵی سلێمانی له‌ هه‌واڵێكدا بڵاویكردۆته‌وه‌، بەگوێرەی ئەو زانیاریانه‌ی لەسەرچاوەیەكی لقی هەولێری بانكی ناوەندی عیراق دەستیكەوتووە، لەلایەن وەزارەتی دارایی حكومەتی فیدراڵی عیراقەوە بڕی 317 ملیار دینار خراوەتەسەر حسابی هەرێم و رەوانەی بانكی ناوەندی عیراق كراوە.


هەر لەزانیارییەكاندا هاتووە، تائێستا پارەكەی بەغدا نەگەیشتۆتە هەرێم و رۆژی یەكشەممە رەوانە دەكرێت"، هاوكات وەزارەتی دارایی ئامادەكاری دەكات بۆ ئەوەی موچەی مانگی 3 دابەشبكرێت، بۆ ئەو مەبەستەش بەنیازە لەڕۆژی (6 بۆ 7)ی مانگی داهاتوو دەستبەدابەشكردنی موچەی مانگی 3 بكات".


لەوبارەشه‌وه‌ شێركۆ سەعید، بەڕێوەبەری ژمێریاری لەبەڕێوەبەرایەتی گشتی پەروەردەی سلێمانی به‌ ماڵپه‌ڕه‌كه‌ی راگەیاندوه‌، هەرچەندە لەلایەن گەنجینەكانەوە داوامان لێنەكراوە، بەڵام سەرقاڵی ئامادەكردنی لیستی موچەی مانگی (3)ی فەرمانبەرانین و هەوڵدەدەین لەماوەی ئەم هەفتەیەدا تەواوی بكەین، پاشان رەوانەی گەنجینە دەكرێت.
 
















زۆرترین بینراوەکان