نە‌تە‌وە‌یە‌كگرتووە‌كان داوایە‌كى بە‌پە‌لە‌ ئاڕاستە‌ی كۆمسیۆن دەکات


نەتەوە  |   16:13:58 2018-05-17  |   (503) جار خوێندراوەتەوە

یان كوبیچ نوێنەری تایبەتی سكرتێری گشتیی نەتەوەیەكگرتووەكان لە عیراق داوا لە كۆمیسیۆنی باڵای سەربەخۆی هەڵبژاردنەكان دەكات "بە خێرایی دەستبكات بە لێكۆڵێنەوە لە سكاڵاكانی پەیوەست بە پرۆسەی هەڵبژاردنەوە".
A+    A-


لە راگەیاندراوێكدا كە پاشنیوەڕۆی ئەمڕۆ پێنجشەممە 2018/5/17 بڵاویكردووەتەوە یان كوبیچ، داوا دەكات كە كۆمیسیۆن بەزوویی بكەوێتە كار بۆ لێكۆڵینەوە لەهەموو سكاڵاكان بە گوێرەی پێویست و دەستكردن بە هەژماركردنی دەستیی بەشێك لە بنكە دەستنیشانكراوەكان بەتایبەتیش لە كەركوك.

 

لە بەشێكی دیکەی راگەیاندراوەكەدا هاتووە: "ئەوە گرنگە كە بۆ پتەوكردنی متمانە بە پرۆسەكە هەژماركردنەوەكە بە ئامادەبوونی تەواوی لایەنە پەیوەندیدارەكان بەڕێوەبچێت و بە شێوەیەكی روون ئەنجامبدرێت. بۆ ئەم مەبەستەش، نەتەوەیەكگرتووەكان ئامادەی هەموو هاوكارییەكە ئەگەر پێویست بێت."
















زۆرترین بینراوەکان