رێنمایی نوێ بۆ خانەنشینبوونی پێشمەرگە دەردەچێت


نەتەوە  |   21:40:46 2018-05-16  |   (2,665) جار خوێندراوەتەوە

دوای چوار ساڵ لە راگرتنی پلەی خانەنشینی پێشمەرگە، لەلایەن بەرپرسانی وەزارەتەکەوە، "سەرەتای ئەم هەفتەیە جارێکی دیکە بڕیارەکە هەڵوەشایەوەو لەمەودوا هەر پێشمەرگەیەک مەرجەکانی تایبەت بە خانەنشینبوونی تێدابێت دەتوانێت خۆی خانەنشین بکات".
A+    A-


ساڵانی رابردوو، بەهۆی شەڕی دژی داعشەوە وەزارەتی پێشمەرگە خانەنشینبوونی لە ریزی هێزی پێشمەرگەدا راگرتبوو، بەپاساوى شەڕی داعش و کاتی جەنگ و مەترسیی لەسەر هەرێم، بەڵام ئێستا جارێکی تر بە کۆمەڵێک مەرجەوە خۆ خانەنشینکردن دەستپێدەکاتەوە.

 

بەگوێرەی هەواڵێکی سایتی دواڕۆژ، لەبارەی مەرجە نوێیەکانی خانەنشین بوونەوە لە رێزی پێشمەرگە ئەوە ئاشکرابووە  كە ئەگەر 15 ساڵ خزمەتی فیعلی هەبێت، یاخود تەمەنی 50 ساڵ بێت یان ماوەی تەمەنی خۆی گەیشتبێتە 63 ساڵ یان بەهۆی نەخۆشییەوە لە رێزەکانی پێشمەرگەوە یان برینداربوون، ئەوا دەتوانێت بە رەزامەندیی خۆی، خۆی خانەنشین بکات".

 

لەبارەی بڕیارەکەی وەزارەتی پێشمەرگەوە بۆ خانەنشینیش، دلێر ماوەتی سەرۆكی فراكسیۆنی یەكێتی لە پەرلەمانی كوردستان، رایگەیاندووە: "بەپێی یاسای ژمارە 38ی پەرلەمان، ئەو پێشمەرگانە دەتوانن داوای خانەنشین بوون بكەن، کە ئەو مەرجانەیان تێدایە کە باسکراوەو لەمەودواش خانەنشینەییەکە تا تەمەنی پێش 63 ساڵی بە رەزامەندییە".

 

روونشی کردووەتەوە، ئەوانەی خانەنشین دەبن بەپێی پلەکانیان بە 80% ی كۆی مووچەو دەرماڵەكانیانەوە خانەنشین دەکرێن".
















زۆرترین بینراوەکان