دوو کەس بە تۆمەتی 40 تاوان دەستگیر دەکرێن


نەتەوە  |   18:03:31 2018-05-16  |   (638) جار خوێندراوەتەوە

پۆلیسی دهۆک ئاشکرای دەکات کە هێزەکانیان  دوو کەسیان بە تۆمەتی ئەنجامدانی 40 تاوانی جیاجیا دەستگیرکردووەو دانیشیان بە تاوانەکەیاندا ناوە.
A+    A-


لەوبارەیەوە هێمن سلێمان بەرپرسی هۆبەی راگەیاندنی پۆلیسی پارێزگای دهۆک بە سایتی دواڕۆژ-ی راگەیاندووە: ئەو دوو تۆمەتبارە لە ناو سەنتەری شاری دهۆک و ناوچەی بەردەڕەش و سیمێل و زاخۆ کاری ساختەو دەستبڕییان بەرامبەر قەساب و چێشتخانەو دوکاندارەکان کردووە، دەشڵێت: "دوای تۆمارکردنی چەندین سکاڵا لەسەریان پۆلیس چاودێریی و بەدواداچوونی وردی کردو دواجار لەلایەن پۆلیسەوە دەستگیرکران و لە لێکۆڵینەوە سەرەتاییەکانیشدا دانیان بە ئەنجامدانی 40 تاواندا ناوە".

 

ئاماژەشی بەوە داوە کە ئەو دوو تاوانبارە فێڵیان لە خەڵک کردووە بەجۆرێک کە داوایان لە شۆفێری تاکسی کردووە کە کەرەستەیەک لە دوکانێک یان شوێنێک وەربگرن و پارەکەیان بدەرێ کە هاتیتە لای من پارەکەت دەدەمەوە، بەڵام لەکاتی گەیشتنەوەیاندا تەلەفۆنەکانیان داخستووەو پارەکەیان لەناو خۆیاندا دابەش کردووەو بەو شێوەیەش فێڵیان لە 40 دوکاندار کردووە.
















زۆرترین بینراوەکان