نەمسا رەگەزنامە لە هاووڵاتیانی بەڕەچەڵەک تورک وه‌رده‌گرێته‌وه


نەتەوە  |   17:02:00 2018-05-13  |   (291) جار خوێندراوەتەوە

دادگای ئیداریی نەمسا بڕیاری هەڵوەشاندنەوەی رەگەزنامەی نەمسایی ئەو هاووڵاتییە تورکیاییانەی پەسەندکرد کە خاوەنی دوو رەگەزنامەن.
A+    A-


لیستی ناوی ئەو تورکانەی ساڵی رابردوو بەشداریی دەنگدانەکەی ریفراندۆمی دەستووری تورکیایان کردووە، کەوتە بەردەستی بەرپرسانی نەمساو ئەو بەرپرسانەش کەوتنە لێکۆڵینەوەو بەدواداچوون بۆ ئەو هاووڵاتیانەی تورکیا کە دوو رەگەزنامەیان هەیە.

 

بەگوێرەی هەواڵێکی رۆژنامەی (حوڕییەت)ی تورکیا، لێکۆڵینەوە لەگەڵ 50 کەس دەستیپێکردووەو شەش کەسیان رەگەزنامەی نەمسایان لێ وەرگیراوەتەوە. دووانیش لەو تورکانەی رەگەزنامەکانیان لێ وەرگیراوەتەوە لە دادگای باڵا ناڕەزایەتیان تۆمارکردووە، بەڵام ناڕەزاییەکانیان رەتکراوەتەوە.

 

ساڵی رابردوو بە هەزاران هاووڵاتی تورکیا لە نەمسا بەشداریی ریفراندۆمی هەموارکردنەوەی دەستووری تورکیایان کردو زۆرینەیشان ئەو هاووڵاتیانەبوون کە خاوەنی رەگەزنامەی نەمسایین.

 

بەگوێرەی دەستووری نەمساش، رێگە نادرێت هاووڵاتیانی نەمسا دوو رەگەزنامەیان هەبێت.

 

یەکێک لە ئەندامانی پەرلەمانی نەمسا ئەوەی ئاشکراکردووە کە تائێستا چوار هەزار کەسیان ئاشکراکردووە کە خاوەنی رەگەزنامەی تورکیاو نەمسان و داواشیکردووە رەگەزنامەی نەمساییان لێ وەربگیرێتەوە.‌
















زۆرترین بینراوەکان