یانە شاهانەکە دەستیکرد بە دانوستاندن بۆ  گواستنەوەی نێیمار


نەتەوە  |   21:37:08 2018-05-10  |   (512) جار خوێندراوەتەوە

یانەی ریاڵ مەدریدی ئیسپانی گفتوگۆی گواستنەوەی نێیمار دا سیلڤای بەرازیلی و ئەستێرەی یەكەمی یانەی پاریس سان جێرمان-ی دەستپێكرد.
A+    A-


بەگوێرەی هەواڵێک کە لە رۆژنامەی مۆندۆ دیپۆرتیڤۆی كەتەلۆنیدا بڵاویكراوەتەوە، لەماوەی رابردوودا نوێنەرانی یانەی ریاڵ مەدرید لە ریۆدی جانیرۆ و لە ماڵەكەی نێیماردا چاویان بەو یاریزانە بەرازیلییە كەوتووە.

 

بەپێی هەمان سەرچاوە یانەی ریاڵ مەدرید بە پشت بەستن بە کریستیانۆ رۆناڵدۆ  لە هەوڵی بەردەوامدایە بۆ رازیكردنی نێیمار تا  پاریس بەرەو مەدرید بەجێبهێڵێت.

 

رۆژنامەکە ئەوەشی راگەیاندووە کە پێشبینی دەكرێت نرخی گواستنەوەی نێیمار بڕی 260 ملیۆن یۆرۆ لەسەر یانە مەدریدییەكە بكەوێت.

 

نێیمار هەرچەندە هاوینی رابردوو یانەی بەرشەی بەرەو پاریس بەجێهێشتووە، بەڵام چەندین سەرچاوەی هەواڵ ئەوەیان بڵاوكردووەتەوە کە لەیانە پاریسییەكە ئاسوودە نییەو دەیەوێت بگەڕێتەوە بۆ خولی ئیسپانیا.
















زۆرترین بینراوەکان