لەکاتی بانگەشەی شاسوار عەبدولواحید لە کەرکوک تەقە کرا و بریندار هەیە


نەتەوە  |   16:26:48 2018-04-21  |   (3,506) جار خوێندراوەتەوە

دوانیوەڕۆی ئەمڕۆ شاسوار عەبدولواحید، سەرۆكی جوڵانەوەی نەوەی نوێ لە شاری كەركوك كۆبوونەوەی جەماوەری ئەنجامدا بۆ بانگەشەی هەڵبژاردنی پەرلەمانی عیراق، بەڵام لەلایەن چەند كەسێكەوە تەقە كرا و برینداری لێ كەوتۆتەوە.
A+    A-

بەپێی زانیارییەكان دوانیوەڕۆی ئەمڕۆ شەممە، جوڵانەوەی نەوەی نوێ لە شاری كەركوك بانگەشەی هەڵبژاردنی دەستپێكردووە و بۆ ئەوەش كۆبوونەوەی جەماوەری لە (هۆڵی بۆنەكانی چیمەن) لەسەرەتای ڕێگای (كەركوك- سلێمانی) بە ئامادەبوونی شاسوار عەبدولواحید، سەرۆكی جوڵانەوەی نەوەی نوێ ساز كردووە.

 

بەپێی زانیارییەكان، لەكاتی گفتوگۆی سەرۆكی جوڵانەوەكە لەگەڵ ئامادەبووان چەند هاوڵاتییەك بۆتە دەمەقاڵە و شەڕە كورسیان و تەقە بە ئاسماندا كراوە و بەو هۆیەشەوە چەند هاوڵاتییەك بە پیاكێشانی كورسی و دار بریندار بوون.

 

هێزەكانی پۆلیس دۆخەكەیان كۆنتڕۆڵ كردووە و چەند كەسێك دەستگیر كراون و شاسوار عەبدولواحید، كە هەوڵدراوە هێرشی بكرێتە سەر لە شوێنەكە دوورخراوەتەوە.

 
















زۆرترین بینراوەکان