بڕیاری كۆتایی له‌باره‌ی ئه‌م موچه‌یه‌وه‌ ده‌درێت


نەتەوە  |   10:46:23 2018-04-17  |   (1,669) جار خوێندراوەتەوە

چاوەڕوان دەکرێت ئەمڕۆ سێشەممە بڕیار لەبارەی چارەنووسی مووچە و لیستی پاشەکەوتی مووچەی یەکەی پاسەوانی بدرێت و پەرلەمانی کوردستانیش لەمبارەیەوە لەگەڵ بەرپرسانی وەزارەتی ناوخۆ کۆدەبێتەوە.
A+    A-

 

بەپێی زانیارییەکان پێش ئەوەی ئەمڕۆ کۆبوونەوەی ئەنجومەنی وەزیران دەست پێ بکات، هەردوو وەزارەتی دارایی و ناوخۆ لەبارەی لیستی پاشەکەوتی مووچەی یەکەی پاسەوانی کۆدەبنەوە و دواتر دەچنە نێو کۆبوونەوەکەی ئەنجومەنی وەزیرانەوە.


هەر بەپێی ئەو زانیارییانە، چاوەڕێ دەکرێ ئەمڕۆ چارەنووسی پاشەکەوتی مووچەی یەکەی پاسەوانی یەکلا بکرێتەوە.


لەوبارەیەوە ئاواز حەمیدەفەندی، ئەندامی پەرلەمانی کوردستان بە كه‌ناڵی کوردستان ٢٤ی ڕاگەیاندوه‌، "ئێمە لە پەرلەمان، چاوەڕوانی ئەنجامی کۆبوونەوەکەی ئەنجومەنی وەزیران دەکەین و دواتر لە لێژنەی ناوخۆی پەرلەمان، لەگەڵ نوێنەرانی وەزارەتی ناوخۆ کۆدەبینەوە".
 
















زۆرترین بینراوەکان