گۆڕان هۆکارى ڕوداوەکان بوون


نەتەوە  |   18:34:38 2015-10-11  |   (346) جار خوێندراوەتەوە

loading...
یەکێتى نیشتمانى بە کەمتەرخەم زانى لە ئاست پاراستنى بارەگەکانیان لە ناوچەکانى ژێر دەسەڵاتى یەکێتیدا
A+    A-

میرانى: بەڵگەمان هەیە، گۆڕان هۆکارى ڕوداوەکان بوون

 

ئێوارەى ئەمڕۆ، مەکتەبى سیاسى پارتى دیموکراتى کوردستان بۆ تاووتوێکردنى بارودۆخێ ئەم دواییەى هەرێمى کوردستان کۆبوونەوە.

 

دواى کۆتاییهاتنى کۆبوونەوەکە، فازڵ میرانى ئەندامى مەکتەبى سیاسى پارتى دیموکراتى کوردستان ڕایگەیاند، بەڵگەى تەواویان لەبەر دەستدایە کە دەیسەلمێنێت بزوتنەوەى گۆڕان لە پشت بارگرژییەکانى خۆپیشاندانەکانەوەن.

 

میرانى هاوکات سوپاسى هێزەکانى حەفتاى کرد بۆ هەڵوێستى ئەرێنییان بەرامبەر بە ڕووداوەکانى چەند ڕۆژى ڕابردوو.

 

ئەو ئەندامەى مەکتەبى سیاسى هەروەها یەکێتى نیشتمانى بە کەمتەرخەم زانى لە ئاست پاراستنى بارەگەکانیان لە ناوچەکانى ژێر دەسەڵاتى یەکێتیدا.

 

لێدوانەکانى فازڵ میرانى لەکاتێکدایە کە بزوتنەوەى گۆڕٍان لە بەیاننامەیەکدا ڕایگەیاند، خۆپیشاندانەکانى هەرێمى کوردستان خۆڕسکن و دەرئەنجامى توڕەیی خەڵکە بەرامبەر کەڵەکەبوونى قەیرانەکان.





loading...