ساز ئاسۆ وێنه‌ی دایكی بڵاوكرده‌وه‌


نەتەوە  |   11:50:31 2018-04-13  |   (1,861) جار خوێندراوەتەوە

ساز ئاسۆ خانمه‌ پێشكه‌شكاری ناسراوی كورد بۆ یه‌كه‌مجار له‌ رۆژی له‌دایكبوونی دایكی وێنه‌یه‌كی له‌گه‌ڵ بڵاوكرده‌وه‌. 
A+    A-

 

ساز له‌گه‌ڵ بڵاوكردنه‌وه‌ی وێنه‌كه له‌ پۆستێكدا كه‌ له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی ئینستاگرام بڵاویكردۆته‌وه‌، نوسیویه‌تی: ئەمڕۆ ڕۆژی بونی دایکمە، دەمێکە ئەیهێنم و ئەیبەم نازانم بزەبت چی بنوسم..بە خۆم وت، ئەرێ ئەوەنە بێ وشەی؟! بەس بێ وشە نەبوم، بەڵام پێش وشەی خۆشەویستی و پیاهەڵدان بەس یەک پرسیار لە مێشکما بوو؟.


ده‌ڵێت: "ئەوە دایکم چۆن توانیویه‌تی۳٠ ساڵە بێ دایکی بژی؟ کە ۱۸ساڵ بوو ڕۆژێک هەستا لەخەو و لە جیاتی نان خواردن لەگەڵ دایکی وخوشکو برا زۆر بچوکەکانی، لە جیاتی هەستان بەدەنگی پیاڵەو چا تێکردن و ڕادیۆکە و... لە سەروو هەمووی دەنگی دایکی، ئەم دەنگانە بۆ هەتا هەتایە نەما، دایکە چۆن ژیایت؟ چۆن؟.


ساز له‌ درێژه‌ی نوسینه‌كه‌ی بۆ دایكی ده‌شڵێت: تۆ چ مرۆڤێکی بەهێز و ئازایت!!!من هەست ئەکەم بۆ سانیەیەک ژیان نییە لە دوای تۆ! تۆ بڕبڕەی ژیانی منی، لەم ژیانە قەدرت ئەزانم و ڕۆژانە دەستت ماچ ئەکەم چونکە هەیت، سوپاس کە هەیت، هەرگیز نەوهێشتووە هیچ هاوڕێیەک لە تۆ نزیکتر بێت بۆم بۆی کەسایەتیم بە ڕێگەی ڕاست دروست بکەم و بم پارێزیت. 


له‌ كۆتایشدا نوسیویه‌تی: لە ژیانم کەسی ترم نیە نمونە بێت بۆم، چونکە تۆ ئەو کەسەی، ئەی پێشمەرگەی کۆن و مامۆستای شۆڕش چالاکوانی مافی ژنان بۆ زیاتر لە ۳٥ ساڵ، تۆ ئەو کەسەی کە سەیری ئەکەم و هیوا ئەخوازم بە نیوەی تۆ بم.
















زۆرترین بینراوەکان