کڕین و فرۆشتن بەکارتی دەنگدانەوە بۆ ساختەکاری لە هەڵبژاردن دەستیپێکرد


نەتەوە  |   21:38:41 2018-04-11  |   (285) جار خوێندراوەتەوە

وەک یەکەم هەنگاو بۆ ساختەکاریی لە هەڵبژاردنی داهاتووی نوێنەرانی عیراق، کڕین و فرۆشتن بە کارتی دەنگدانەوە دەستیپێکردووەو نرخەکەی تادێت بەرزدەبێتەوە.
A+    A-


ئەندامێكی هاوپەیمانیی فەتحی سەربە هادی عامری ئاشكرایدەكات نرخی كارتی ئەلەكترۆنی دەنگدان لە بازاڕدا روو لە زیادبوونەوەو دەشڵێت "ئەو كاندیدانەی كە پارەكانیان لە سەرچاوەی نا شەرعییەوە بەدەستهێناوە، ئەو كارتانە دەكڕن بۆ كڕینی دەنگی خەڵك".

 

لەو رووەشەوە عەبدولكەریم نەقیب، ئەندامی ئەنجومەنی باڵای ئیسلامی و هاوپەیمانیی فەتحی هادی عامری، لە میانی لێدوانێكیدا بۆ رۆژنامەی (قودسلعەرەبی) داوای لە هاووڵاتییان كردووە كە گوێ بۆ پەیمانی كاندیدەكان نەگرن، چونكە زۆربەیان "راستگۆ نین" و لە پاش هەڵبژاردنەكان هیچ یەكێك لەو پەیمانانە نابەنە سەر کە بەو كەسانەی دەدەن کە دەنگیان پێدەدەن.

 

ئەوەشی ئاشكراكردووە کە لە ئێستادا كارتی ئەلەكترۆنیی دەنگدان لە بازاڕەكاندا دەفرۆشرێت و نرحەكەشی لە نێوان 100 بۆ 200 دۆلاردایە.

 

هاوکات داواش لە كۆمسیۆنی باڵای هەڵبژاردنەكان دەکات كە مافی كاندیدبوون لەو كەسانە وەربگرێتەوە كە پێشێلكاریی مەرجەكانی بانگەشەی هەڵبژاردن دەكەن و لە رێگەی نایاساییەوە دەنگ دەكڕن.
















زۆرترین بینراوەکان