یەکێتى زانایان هاتنە دەنگ


نەتەوە  |   17:36:21 2015-10-11  |   (416) جار خوێندراوەتەوە

loading...
داوا لە هاوڵاتیان و مامۆستایانى ئایینى و لایەنە سیاسیەکان و ڕێکخراوەکان و میدیاکان دەکات لە هەوڵى هێورکردنەوەى بارودۆخەکەدا بن
A+    A-

نیگەرانییەکان لە بەرامبەر دۆخى ئاڵۆزى هەرێم تا دێت ڕوو لە زیادبوون دەکات. لەو چوارچێوەیەشدا، یەکێتى زانایان بەیاننامەیەکیان بڵاو کردەوە.

 

لە بەیاننامەکەدا، یەکێتى زانایان وێراى نیگەرانییان بەرامبەر پشێوییەکانى ئەم چەند ڕۆژەى هەرێمى کوردستان، هاوکات داوا لە هاوڵاتیان و مامۆستایانى ئایینى و لایەنە سیاسیەکان و ڕێکخراوەکان و میدیاکان دەکات لە هەوڵى هێورکردنەوەى بارودۆخەکەدا بن و ڕێگە نەدەن دڵى دوژمنانى کوردستان خۆش ببێت.

 

دەقى بەیاننامەکەى یەکێتى زانایانى ئایینی ئیسلامی کوردستان

 

بەناوی خوای بەخشندەی میهرەبان

(ۆتَعَاۆنُوا عَڵى الْبِرِ ۆالتَقْۆى ۆڵا تَعَاۆنُوا عَڵى الْإِپْمِ ۆالْعُدْۆانِ)

 

مامۆستایاینی ئایینی بەڕێز

هاوڵاتیانی خۆشەویست

ماوەی چەند رۆژێکە لە دەرەنجامی خۆپیشاندانی هاوڵاتیان لە چەند دەڤەرێکی هەرێمی کوردستان پشێوییەک دروست بووە، کە بەداخەوە ئەنجامی نەخوازراوی لێکەوتەوە. ئێمە وەک یەکێتی زانایانی ئایینی ئیسلامی کوردستان هەر لە سەرەتاوە لە رێگەی لقەکانمان لەم سنوورانەوە هەوڵی تەواومان دەدا بۆ ئەوەی خۆپیشاندان و نارەزاییەکان بەشێوازی تەندروسستی خۆیان بڕۆن، بەڵام بەداخەوە بەرەو ئاقارێکی نەخوازراو بردردان، تا گەیشتە خوێنڕشتن و بەردباران و بارەگا سووتاندن، ئەمەش وێڕای لێکترازانی زیاتری رەوشی سیاسی، کاریگەری ناراستەوخۆشی بەسەر ئاشتی کۆمەڵایەتییەوە هەیە، بۆیە لێرەوە دەستخۆشی لەو مامۆستا ئایینیانە دەکەین کە لە وتارەکانی رۆژی هەینی و لە کاتی رووداوەکانیش رۆڵی هێورکردنەوەو گێڕانەوەی ئارامیان دەدیت، بە پێچەوانەوە هەر وتارو قسەیەک لە هەر چین و توێژێکەوە دەرچووبێت کە بۆنی لایەنگیری و خۆشکردنی ئاگری پشێویەکانی لێ بێت کارێکی نا مەسئولانەو نارەواو نانیشتیمانیانەو دوورە لە هەموو بەها ئەخلاقیەکانەو، ئەنجامدەرانی دەکەونە بەرلێپرسینەوەی خوایی. چونکە ئەمرۆ کوردستان لە حاڵێکدایە کە چواردەوری دەکوڵێت و، پێشمەرگە قارەمانەکانمان بەرەو رووی دڕندەترین دوژمن وەستاونەتەوە، بۆیە پێویستە مامۆستایانی ئایینی و هاوڵاتیان و لایەنە سیاسیەکان و رێکخراوەکانی کۆمەڵی مەدەنی و راگەیاندنەکان هەموو هەوڵێک بدەن بۆ ئەوەی رەوشەکە هێوربکرێتەوە، بەپێچەوانەوە رشتنی خوێنی رۆڵەکانمان و بریندارکردنی هاوڵاتیانی ئەم وڵاتەو سووتاندن و بەردبارانکردنی بارەگاکان سیمای مەدەنیانەی گەلی کورد دەشیوینێت، دەرەنجامی پشێوی و ئاڵۆزییەکانیش تەنها لە بەرژەوەندی دوژمنانی کوردو کوردستانە.

یەکێتی زانایانی ئایینی ئیسلامی کوردستان





loading...