فتق چیە و چۆن خۆمانی لێ بپارێزین؟


نەتەوە  |   21:39:23 2018-03-27  |   (397) جار خوێندراوەتەوە

نەخۆشی فتق دەرچوونی بەشێكی ناوەوەی لەشە لەسەر دیواری سك واتە هەربەشێك لە ناوسكدا لەشوێنی ئاسایی خۆی نەمێنێت و هاتە سەر دیواری سك بە فتق ناودەبرێت، دیارترینی جۆرەكانی فتقیش بریتین لە : ( سەر میزەڵان ، ناوك و سەروناوك ، بن ڕان و هەروەها فتقی ناوەوە).
A+    A-

لەبارەی هۆكاری تووشبون بە فتق پەجی تەندروستی سلێمانی لە زاری د.تەحسین عەلی پسپۆڕی نەشتەرگەری گشتی بڵاویكردۆتەوە، هەرشتێك بەڕادەیەكی زۆر ببێتە هۆی پەستان و پاڵەپەستۆی ناو سك ئەوا فتق دروست دەكات وەكو قەبزی ، غازاتی ناوسك ، كۆكەی زۆر ، بەرزكردنەوەی شتی قورس ، هەوكردنی ڕیخۆلە و هەندێ كاتیش سكپڕی لە خانماندا جگە لەمانە هەنێكجار فتق لەهەندێك كەسدا لە زگماكەوە دروست دەبێت .


سەبارەت بە خۆپاراستن لەو نەخۆشیەی ئەو پسپۆڕە رایگەیاندووە: بۆئەوەی بەدوربین لەم حاڵەتە دەبێت پابەندی ڕێنماییە پزیشكییەكان بكەین ئەویش بە بەرز نەكردنەوەی ئەوشتانەی كێشیان زۆرە هەروەها ئەگەر كەسێك غازاتی ناو سك و قەبزی و هەوكردنی ڕیخۆڵەی هەبێت دەبێت بەزوویی چارەسەر بكرێت چونكە هۆكارن بۆ توشبوون بەم نەخۆشییە . 


ئەو پسپۆڕە ئاماژەی بە شێوازی چارەسەركردنی ئەم نەخۆشییەدا كە تەنها چارەسەر بۆ ئەم حاڵەتانەی كە لە نەخۆشدا ڕوودەدات بریتییە لە ئەنجامدانی نەشتەرگەری بۆ ئەو كەسە تاوەكو بتوانرێ نەخۆشییەكە بنبڕ بكرێت .
















زۆرترین بینراوەکان