بۆ خانمان: لە‌كاتی دووگیانیدا ئە‌م كارە‌ مە‌كە‌ن


نەتەوە  |   20:47:48 2018-03-27  |   (812) جار خوێندراوەتەوە

توێژینەوەیەكی نوێ ئاشكرای دەكات: "ئەو خانمانەی كە لەكاتی دووگیانیدا پارێزدەكەن و كێشیان هێندەی پێویست زیاد ناكات، 30% ئەگەری ئەوەی هەیە کۆرپەکانیان مێشكیان گەشە نەكات و دووچاری نەخۆشیەكانی مێشك ببنەوە وەك شیزۆفینیا.
A+    A-


توێژینەوەكە لەلایەن پەیمانگای كارۆلینسكای سویدەوە ئەنجامدراوەو تێیدا توێژینەوە لەسەر 526.042 هەزار دایكی دووگیان كراوە.

 

لە ئەنجامدا توێژەران بۆیان دەركەوتووە ئەو دایكانەی كە لەکاتی دووگیانیدا پارێزدەكەن و بڕی پێویست كێشیان زیادناكات (9-12 كیلۆگرام)، کۆرپەكانیان  30% مەترسی تووشبوونیان بە نەخۆشیی شیزۆفرینیا هەیە كە یەكێكە لە نەخۆشیەكانی مێشك.

 

توێژەران ئاماژەشیان بەوەكردووە كە تۆڕە كۆمەڵایەتییەكان و خانمە بەناوبانگەكان، كاریگەریی خراپیان كردووەتە سەر خانمانی دووگیان بەوەی كە وایان لێكردوون پارێزبكەن بۆئەوەی راستەوخۆ دوای منداڵبوون بە هاوشێوەی ئەو مندڵانە، جەستەیان ئاسایی بێتەوەو بگەڕێنەوە باری ئاسایی خۆیان.
















زۆرترین بینراوەکان