ئیمری بە رۆیشتنی نێیمار بۆ ریاڵ تووڕە دەبێت


نەتەوە  |   19:58:46 2018-03-16  |   (252) جار خوێندراوەتەوە

ئۆنای ئیمری لە کۆنگرەیەکی رۆژنامەنووسیدا لە پرسیاری یەکێک لە رۆژنامەنووسەکان تووڕەبوو کە پەیوەست بوو بە ئەگەری رۆیشتینی نێیمار دا سیلڤا لە پاریسەوە بۆ ریاڵ.
A+    A-


لە کۆنگرەیەکی رۆژنامەنووسیدا کە بۆ ئۆنای ئیمری راھێنەری پاریس سانجێرمان رێکخرابوو سەبارەت بە یارییەکەی سبەی لە نێوان پاریس سان جێرمان و نیس لە 31-ەمین هەفتەی خولی فەرەنسادا، چەندین پرسیار ئاراستەی ئەو راھێنەرە کرا.

 

لە یەکێک لەو پرسیارانەدا ئیمری توڕەو نیگەران بوو کاتێک پرسیاری رۆیشتنی نێیماریان  لێکرد بۆ یانەی ریاڵ مەدرید. 

 

لە وەڵامی ئەو پرسیارەدا ئیمری بە تووڕەییەوە وتی: نازانم وەڵامی چیت بدەمەوە، بڕۆن ئەو پرسیارە لە پێرێزی سەرۆکی ریاڵ مەدرید بکەن، ئەو بەنھێنی خەریکی ئەو بابەتەیە، من ئەوە 30 جار وەڵامی ئەو پرسیارەم داوەتەوەو ئێستاش دەیڵێم: پاریس پڕۆژەیەکی گەورەی ھەیەو نێیماریش لەنێو پڕۆژەکەدایە.
















زۆرترین بینراوەکان