تورکیا وه‌ڵامی داواکەی پەرلەمانی ئەوروپای بۆ کشانەوەی سوپاکەی لە ڕۆژئاوای کوردستان دایه‌وه‌


نەتەوە  |   15:03:27 2018-03-16  |   (1,462) جار خوێندراوەتەوە

دوێنێ پەرلەمانی یەکێتی ئەوروپا پرۆژەبڕیارێکی پەسەند کرد، کە به‌پێی "داوا لە وڵاتی تورکیا دەکات تەواوی سوپاکەی لە ڕۆژئاوای کوردستان بکشێنێتەوە"، تورکیاش داواكه‌ی ڕەتیکردەوە.
A+    A-

 

دوێنێ پێنج شه‌ممه‌ 15/3/2018 پەرلەمانی یەکێتی ئەوروپا پڕۆژەبڕیارەکەی پەسەند کرد، كه‌ تێیدا بە پێویستی دەزانێت، لە سوریا سەرنج بخرێتە سەر داعش و گروپە تیرۆرستییەکانی دیکە، هەروەها داواش لەتورکیا دەکات کە هێرشەکەی سەر عەفرین ڕابگرێت و تەواوی سوپاکەی لەو ناوچەیە بکشێنێتەوە.


له‌به‌رامبه‌ردا ڕەجەب تەیب ئەردۆغان وێڕای ره‌تكردنه‌وه‌ی داواكه‌ی په‌رله‌مانی یه‌كێتی ئه‌وروپا جه‌ختیشیكرده‌وه‌، "به‌بێ هۆ دڵتان خۆش مه‌كه‌ن، تا كاره‌كه‌مان كۆتایی نه‌یه‌ت، ئه‌وێ بەجێ ناهێڵێن."


لای خۆشیه‌وه‌ عومەر چەلیک وەزیری تورکیا بۆ کاروباری یەکێتی ئەوروپا ڕایگەیاند "بڕیارەکەی پەرلەمانی ئەوروپا خراپترین بڕیارە کە لە چەند ساڵی ڕبردوودا دابێتی".


ئەمەش لەکاتیکدایە به‌پێی هه‌واڵێكی ئاژانسی فورات نیوز لە ئه‌نجامی بۆردومانی ٢٤ی کاتژمێری ڕابردووی فڕۆکەکانی سوپای تورکیا بۆ سەر سەنتەری شاری عەفرین، ١٣ هاوڵاتی مەدەنی شەهیدبوون و دەیانی دیکەش برینداربوون.
















زۆرترین بینراوەکان