ڤیدیۆ: رۆژهەڵاتی کوردستان لەسەر عەفرین هاتە دەنگ


نەتەوە  |   18:37:28 2018-03-13  |   (128) جار خوێندراوەتەوە

کوردانی دانیشتووی شارەکانی رۆژهەڵاتی کوردستان و خوێندکارانی کوردی رۆژهەڵات لە شاری تارانی پایتەختی ئێران بۆ پشتیوانیی عەفرین و شەرمەزارکردنی بێدەنگیی کۆمەڵی نێودەوڵەتی خۆپیشاندان و ناڕەزاییان دەستپێکرد و ژمارەیەکیشیان لێ دەستگیرکرا.
A+    A-


بۆ پشتگیریی لە شاری عەفرین-ى رۆژئاواى کوردستان و سەرکۆنەکردنی هێرشەکانی تورکیا و بێدەنگیی کۆمەڵگەی نێودەوڵەتى بەرامبەر پەلاماردانى ئەو شارە، لە هەریەک لە شارەکانی بۆکان و سنە و مەریوان و کامیاران و باکۆ-ى رۆژهەڵاتى کوردستان، کۆبوونەوەو خۆپیشاندان بەڕێوەچوو.

 

هاوکات لە شاری تارانی پایتەختی ئێرانیش، خوێندکارانی کورد لەبەردەم باڵیۆزخانەى تورکیا کۆبوونەوەو بە هوتاف و دروشمى دژى ئەردۆغان پشتیوانیى خۆیان بۆ عەفرین دەربڕى.

 

دوای خۆپیشاندانەکانیش لەلایەن هێزە ئەمنییەکانی ئێرانەوە چەندین کەس بە تایبەتی لە شارەکانی سنە و مەریوان بە تۆمەتی بەشداریی و بانگەشەکردن بۆ ئەو کۆبوونەوەو خۆپیشاندانانە دەستگیرکران.

 
















زۆرترین بینراوەکان